O Centro de Fisica d’o Cosmos ferá en setiembre a II Edición d’a Escuela de Astronomía

Se ferá entre o 21 y o 23 de setiembre en Arcos de las Salinas (Gudar-Chablambre)

 

Imachen d'a I Edición (Foto: D.Ch.A.)

Imachen d’a I Edición (Foto: D.Ch.A.)

O Centro de Fisica d’o Cosmos d’Aragón (CEFCA), integrau en o Departamento de Industria y Innovación d’o Gubierno d’Aragón, ha anunciau ista semana a II Edición d’a Escuela d’Astronomía, que tien l’obchetivo d’amanar ista sciencia a todas as personas que i tiengan intrés.En l’anterior edición, más de 90 personas demandoron de fer-lo, quedando-se belunas sin plaza. Ista anyada, l’alumnalla d’o Campus Universitario de Teruel podrá demandar creditos de libre esleixir.O curso, que tendrá más de 20 horas lectivas, se ferá en Arcos de las Salina (Gudar- Chabalambre) entre o 21 y o 23 d’octobre, coincidindo con l’equinoccio d’agüerro. A traviér d’as diferents charradas, os participants prenerán conoiximientos sobre a estructura de l’universo, as estrelas, as galaxias, l’habitabilidat d’as planteras u como mirar-se lo ciel´. Tamién se ferán sesions practicas de diyas y de nueitz con telescopios en as sobrebuenas condicions que tien o lugar a on que se fa a Escuela.

Ista iniciativa ufre antimás a posibilidat de visitar l’Observatorio Astrofisico de Chabalambre, que conta ya con o primer d’os dos telescopios principals instalau en a Tuca d’o Vueitre. O numer de participants ye amugau a 35. O plazo ta apuntar-se-ie remata lo 31 d’agosto y se puet fer en a pachina web d’o CEFCA (www.cefca.es).

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.