O centro de Teruel zarrau a o trafico por as Bodas de Isabel

Dende o chueves dica o domingo bi habrá restriccions a o trafico

Centro de Teruel mientres as Bodas de Isabel. Foto d'archivo
Centro de Teruel mientres as Bodas de Isabel. Foto d’archivo

As Bodas de Isabel, que se celebran en a ciudat de Teruel dende o chueves dica o sabado, ferán zarrar o centro t’o trafico rodau. O concello demanda a os conductors que sigan a la tisba d’os sinyals que informarán sobre os cambios.

Dende o chueves se sacarán os estacionamientos d’as plazas d’o centro y d’as rondas. Se tallará tamién o trafico en a carrera José Torán y en a Plaza d’a Marquesa en estar montando-se l’azoque meyebal. A la fin d’a tardi se tallará tamién a carrera Yagüe de Salas.

O viernes se tallará o trafico en o Centro historico. Nomás se podrá acceder a o parking de Sant Chuan (dende o Portal de Valencia y a o de Sant Martín. Ista carrera tendrá doble sentiu de circulación. Antimás se podrá acceder a lo parking d’A Glorieta dende Sant Chulián.

O viernes, a las 20 se ferá o desfile de Collas dende la Ronda Dámaso Torán dica o centro, asinas que dende as 19:45 s’esbarrará o trafico d’a redolada. En que remate o desfile o Paseu de l’Ovalo y a carrera Sant Francho se tallarán a o trafico.

Mientres tot lo cabo de semana, o concello ha recomendau que se faigan servir os aparcamientos publicos d’as partis más aluenyadas d’o centro y remera que bi habrá solars habilitaus t’aparacar-ie en a carrera de Santa Amalia y en o vico d’a Fuenfresca

Cuanto a los autobuses, dende o meyodiya d’o chueves no bi habrá aturada de bus urbano en o Paseu de l’Ovalo ni en a carrera Joaquín Arnau, sustituyindo-se por as que se meterán en a Ronda Ambeles. L’autobús de nueitz, o bubón, funcionará tot o cabo de semana.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.