O CERN descubre una particla que podría estar a de Higgs

Permitiría explicar por qué tienen masa as particlas elementals que tienen masa

Os scientificos d’a Organización Europea t’a Investigación Nucleyar (CERN) han anunciau hue o descubrimiento d’una nueva particla que podría estar a particla de Higgs, que permitiría explicar por qué tienen masa as particlas elementals que tienen masa; ye a zaguera pieza d’o modelo estandar que describe as particlas y as interaccions entre istas. ‘Puedo confirmar que s’ha descubierto una particla que ye consistent con a teoría d’a particla de Higgs’, han dito os responsables d’a investigación.

I hai una cierta prudencia entre os investigadors que han feito o prochecto. O portavoz d’un d’os dos equipos d’investigación, Joe Incandela, ha declarau: ‘Iste ye un resultau preliminar, pero pensamos que ye firme y solido’.

A importancia d’o descubrimiento

Ta muitos fisicos, como ha explicau a Vilaweb o catedratico d’aUniversidat de Valencia, Arcadi Santamaría, iste descubrimiento ye important porque a partir d’aquí se podrán saber si as propiedatz d’ista particla son as que prediciba o modelo estandar u si son licherament esferents. Muitos asperan que sían esferents ta poder perfeccionar a teoría a partir d’estudios posteriors.

A investigación en o CERN s’ha feito con muito secretismo, tot y que han participau unas dos mil personas. Y dica hue no s’han sabiu os detals d’os resultaus aconseguius. A investigación ha estau muit dificultosa porque o bosón de Higgs ye una particla prou pesada y neutra, que quiere dicir que se desintegra con muita facilidat porque ye muit delicada. Santamaría diz que o nombre de ‘particla de Dios’ no fa goyo a os scientificos porque Higgs no tien cosa a veyer con Dios, soque ye a particla que da masa a la resta de particlas.

Os scientificos de Tevatrion, l’acelerador de particlas d’Illinois, en os EE.UU., ya anuncioron que heban visto un indicio d’a particla de Higgs. Pero, como bien diz Santamaría, caleba asperar os resultaus d’o CERN porque o Tevatrion ye un experimento que no tien a mesma enerchía ni a mesma sensibilidat que o de Suiza.

Asinas, con o descubrimiento d’o CERN, todas as particlas que heba predito o modelo estandar s’habrían comprobau experimentalment. Santamaría remera que ‘cosa en fisica sale d’a cosa y que ista ye una teoría que surtió en os setanta a partir d’una serie d’experimentos previos que descubriban a integración d’as particlas’. Si se confirma iste experimento, a teoría será de tot consistent matematicament.

Encara asinas, Santamaría ha dito a Vilaweb que a mayoría de fisicos piensan que o modelo estandar no ye a teoría definitiva y que segurament i hai mas particlas que s’habrán d’incluyir en una teoría mas perfecta. Por tanto, creye que o descubrimiento d’o bosón de Higgs ye a primera meta que menará ta una segunda, que será o descubrimiento de nuevas particlas que completarán o modelo estandar.

Fuent: http://www.vilaweb.cat/noticia/4025760/20120704/cern-descobreix-particula-podria-higgs.html

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.