O CERN libera un primer faixo d’antimateria

Por primer vegada s'aconsigue conformar un faixo d'antimateria

Tunel d'o Gran Colisionador d'Hadrons (LHC) en o CERN. Foto: Julian Herzog (CC-BY-SA)

Tunel d’o Gran Colisionador d’Hadrons (GCH) en o CERN. Foto: Julian Herzog (CC-BY-SA)

A sintesi se produció en a instalación d’o Gran Colisionador d’Hadrones (GCH) que se troba en Suiza, dimpués que os fisicos liberasen d’una acumuladora un numero determinau de positrons y los mezclallasen con un chorro d’antiprotons de baixa enerchía. Dimpués os antiatomos se desplazoron guidaus por o descendent campo electromagnetico que exerceba a mayor fuerza sobre ells mientres o experimento.

Dende noviembre de 2010 han resultau con exito diversas prebas d’a mesma mena, con cantidatz suficients d’antihidrocheno obtenidas, pero nunca no s’heba conformau un faixo y en a mayoría d’os casos as particlas se desintegraban decamín.

En chunio de 2011 os scientificos aconsiguioron estabilizar por uns 16 menutos decenas d’ellas dentro d’un espacio amugau por o campo electromagnetico. Manimenos, a mesma fuerza electromotriz obstaculizaba o estudeo d’as propiedatz fisicas d’os antiatomos y a suya interacción entre ell.

Disparar iste faixo suposa un gran trango enta debant, dicen os expertos, que comparten o suyo argüello con os lectors d’a revista ‘Nature Communications‘. Destacan especialment l’aportación que fació en o experimento a nueva trapa d’antiprotons chaponés, Musashi, que los enfría con un fluixo d’electrons y los comprime con o campo electrico chiratorio dica que forman un cilindro virtual.

Dende iste experimento, baltizau ‘Asacusa‘, o CERN tardará anyos en procesar os datos rechistraus por as trapas de particlas, os espectroscopios y atros dispositivos que rodioron a iste chorro fugaz d’antimateria.

Fuent: http://noticies.sirius.cat/2014/01/el-cern-allibera-un-primer-feix.html

2 Rispuestas a O CERN libera un primer faixo d’antimateria

  1. Pingback: O CERN libera un primer faz d’antimateria | AraInfo | Achencia de Noticias d'Aragón

  2. Conto que per “*faz” queritz dir “faixo”. Ye aragonés basico, tampoc no costa guaire de mirar en bell diccionario antes d’escribir y asinas t’aseguras que no t’inventas una parola!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.