O Certamen Internacional Fotografico Villa d’Andorra visita Teruel

A exposición amostrará obras d'os 70 participants d'o certamen dica o 17 de chenero

Parti d'o churau con as fotos (Foto: CELAN)

Parti d’o churau con as fotos (Foto: CELAN)

Iste chueves a las 20 h se ferá a devantadera d’a XI edición d’o Certamen Internacional de Fotografía Villa d’Andorra, en a sala d’exposicions de l’edificio de Bellas Artes d’a Ciudat Universitaria de Teruel. A exposición continará podendo-se visitar dica o venient 17 de chenero.

Setanta fotografos se presentoron ta iste concurso organizau por o grupo Lumière, o CELAN, CulTurAndorra, y o Concello d’Andorra, con a colaboración d’a Diputación de Teruel, a Fundación CAI-ASC y a Facultat de Sciencias Socials y Humanas de Teruel. Iste certamen ha esdeveniu un clasico, seguntes os organizadors “en permitir una uellada a la fotografía más actual”. “Os artistas trigaus valuran a calidat d’o certamen, tanto por os participants como por o churau y os premios, y por o feito de poder fer un catalogo. A variedat de tecnicas y ideyas que bi ha en a exposición, anima a recorrer-la y aturar-se en ixos momentos que o uello d’o fotografo ha sabiu plasmar y que sorprenden a o visitant”, adhiben.

A exposición ye especialment endrezada ta l’alumnalla de Bellas Artes que estudean en Teruel, ya que “antimás de consideracions didacticas, ye un chiquet exito que en istos tiempo bi haiga un puesto t’a expresión artistica de calidat”.

O churau decidió por unanimidat dar o primer premio a Manuel Navarro Forcada por “Alguien lo puso ahí”; o primer accésit a Roberto Morote Ferrer, por “La escritora”, o segundo accésit a Fernando Flores Huecas por “Relato de Damyer” y un finalista a Emilio Muñoz Blanco por “Escuela de boxeo”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.