O chuez archiva la denuncia de Santiago Lanzuela por l’escrache en a casa suya de Cella

Lanzuela ha anunciau que recurrirá la sentencia.

Escrache en Cella (Foto: El ventano)

Escrache en Cella (Foto: El ventano)

O titular d’o Chuzgau de Primer Instancia y Instrucción numer 2 de Teruel ha sobresediu “librement” a denuncia mesa por o diputau d’o PP Santiago Lanzuela por un acto de protesta que se fació lo pasau 14 d’abril por miembros d’a Plataforma Stop Esfuizamientos debant de casa suya en o lugar de Cella (Comunidat de Teruel).

En o suyo auto, o machistrau sinyala que no bi habió “garra violencia” en as trazas de fer d’os integrants d’o colectivo, lo que, dende l’anvista suya  excluye  a concurrencia d’o tipo delictivo de coaccions planteyau por o denunciant. Lanzuela ha anunciau que recurrirá la sentencia debant de l’Audiencia de Teruel.

Seguntes o chuez, os manifestants, dimpués de viyer refusada de man d’os achents policials que cusiraban a redolada, la suya demanda de deixar una carta en o buzón d’o senador, no facioron que leyer un comunicau antis de disolver-se. Subraya, antimás, que mientres l’acto no bi habió “faltadas u acusacions personals” ni tampoco no agresions verbals u fisicas a os achents policials “transcurrindo l’acto de traza pacifica dica la suya fin”.

 

Fuent: http://arainfo.org/2013/05/el-juez-archiva-la-denuncia-de-santiago-lanzuela-por-el-escrache-en-su-domicilio-en-cella/?utm_source=feedly

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.