O chuez encausa a dos cargos por as enrestidas en l’acampada d’o 15M de Barcelona

Comandantes d'a guardia urbana y d'os mossos declararán a semana venient.

Plaza Catalunya, Barcelona 27 de mayo 2011 (Foto: Daniel Albert)

Plaza Catalunya, Barcelona 27 de mayo 2011 (Foto: Daniel Albert)

O chuez que investiga as enrestidas policials contra o movimiento de carranyaus en a Plaza Catalunya de Barcelona o pasau 27 de mayo ha clamau a declarar como encausaus a la ex teniente d’alcalde de Seguridat, Assumpta Escarp y a lo director d’os mossos, Manel Prat. Tamién ha encausau a dos mandos d’o dispositivo: o intendente d’a rechión metropolitana, Antoni Antolín y o responsable d’a brigada movil, David Bordas. Os encausaus declararán a semana venient en o chuzgau d’instrucción numer 4 de Barcelona.

Como conseqüencia d’a enrestida d’a policia contra qui protestaban por o desaloix d’a plaza bi habió un ciento de ferius.

A querella contra os mandos d’a policia estió presentada por a comisión penal de l’acampada de Barcelona. Tamién denunció a o Conseller d’Interior, Felipe Puig, pero en iste caso en estar aforau, a investigación l’habría de fer o Tribunal Superior de Chusticia de Catalunya.

A querella demanda o encausamiento de totz por once delitos y faltas: vieda y disolución d’una reunión pacifica, detención ilegal, coaccions, menazas, atentau a la integridat moral, rebaixadas, prevariación, lesions, mals, apropiación indebida y furto.

Fuent: http://www.vilaweb.cat/noticia/3970191/20120111/jutge-encausa-assumpta-escarp-manel-prat-carregues-policiaques-lacampada-barcelona.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.