O Chusticia presenta un informe sobre amostranza

Proposa midas ta baixar o porcentache d'abandono escolar y o numer de repetidors.

Foto: Gobierno de AragónO Chusticia presentó ahiere o informe sobre o “Rendimiento educativo en Aragón” en a siede d’as Cortes. Creye que ye ta fer-se-ne o numer d’abandonos y de repetidors en totz os rans de l’amostranza.

Quasi un cinqueno de l’alumnalla no remata a Primaria sin repetir bell curso. Más d’o 40 % lo fa antis de rematar a secundaria, y o 65 % d’as personas que prencipian Bachillerato no lo rematan. Os ciclos formativos tienen cifras mesmo piors. Más d’un 60 % deixa sin rematar os cursos tanto de grau meyo (68%) como superior (62%). En a universidat bi ha bellas facultatz que as suyas tasas d’abandono blinca o 20 %.

García Vicente tamién proposó bellas midas ta mirar de correchir a situación. Sobre as amostranzas meyas demandó que se movesen a setiembre as prebas extraordinarias d’ESO que agora se fan ta chunio. Tamién crei que ta l’alumnalla que no tienga intrés por estudiar
cal fer programas de qualificación profesional antis d’as 16 anyadas. En a demba universitaria, o Chusticia apostó por fer más practica l’amostranza en a Universidat achustando ,más profesors asociaus y actualizando terne que terne os contenius. Tamién dició recibir muitas queixas d’estudiants que no pueden dentrar en carreras biosanitarias por a notas que se i demanda.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.