O ciclista Iñaki Lejarreta muere atropellau por un auto

O ciclista, sobrín d'o mitico Marino Lejarreta, muere atropellau por un auto en a carretera N-634 en Durango. A Ertzaintza investiga as causas

Foto: http://www.lejarreta-inaki.com/

O ciclista vasco de mountain bike Iñaki Lejarreta morió ahiere, a las 9:30 h. d’o maitín, en a carretera N-634 a o suyo paso por a localidat de Durango (Bizcaya) en dirección Bilbau mientres entrenaba. Ha estau atropellau por un vehíclo, concretament un Renault Clío.

A Ertzaintza ye investigando as causas, que encara se’n desconoixen. O ciclista circulaba por l’arcén d’a carretera quan ha estau enrestiu por dezaga por iste auto. Seguntes declaracions a Radio Euskadi d’o president d’a Federación de Bizcaya de Ciclismo, Agustín Ruiz Larringán, a velocidat en ixe troz d’a carretera ye amugada a 50 km/h y l’arcén ye prou amplo y ye escoscau.

O ciclista naixiu de Berriz (Bizcaya) yera sobrín de l’exciclista Marino Lejarreta y teneba 29 anyos. Heba estau campión d’o mundo junior en l’anyo 2000 en categoría campo a traviés relevos mixto, amás de bells podios en europeus y campionatos d’Espanya y d’un diploma olimpico en os Chuegos Olimpicos de Pekín 2008.

Os accidents de ciclistas en carretera continan estando un problema, encara que as cifras han iu baixando (iste 2012 por agora 13 ciclistas muertos, en 2011, 32). Cal remerar que seguntes as normas de trafico, os vehíclos a motor han d’enantar a las personas que circulan en bicicleta deixando un minimo d’1,5 metros de distancia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.