O Colechio Asunción Pañart de L’Ainsa prencipia o curso sin cocinero

CHA ha demandau esplicacións a la Conselleria d'Educación a traviés de dos preguntas en as Cortz

Colechio Asunción Pañart de L'Aínsa

Colechio Asunción Pañart de L'Aínsa

O Colechio Publico Asunción Pañart de L’Aínsa ha prencipiau o curso sin contar con cocinero, la qual cosa ha feito que entre quantos días solament s’ha puesto dar un turno de minchars, habendo d’ir a minchar ta casa suya os escolans de 3eno y 6eno de Primaria.

Dimpués d’a encorporación o 15 de setiembre d’un aduyant de cocina se han puesto completar os dos turnos cutianos. A causa d’iste problema pareixe estar o retardo en a publicación en o BOA d’as nuevas plazas de cociners, tot ixo encara que o  resultau d’as oposicions se conoixió en chunio, a qual cosa va ferá que o titular d’a plaza de minchador no s’incorpore dica finals de setiembre.

A ixo cal adhibir que a presona que feba plaza d’interino o zaguer anyo, ye de baixa laboral. Ta Joaquín Palacín, diputau de CHA en as Cortz, “nomás a capacidat de l’equipe directivo d’o centro, y a colaboración de l’AMPA, han puesto bandiar o problema, porque han priorizau o servicio ta os ninos d’infantil y a os que viven difuera d’o termino de L’Aínsa.

A colla parlamentaria de CHA demanda a Educación conoixer as chestions que se’n han feito, y o retardo en a publicación d’as nuevas plazas de cociners.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.