O colechio d’a val d’A Fueva se queda sin espacio

Con 47 ninos y ninas t'o venient curso, as instalacions ta Infantil y Primaria se quedan curtas

CEIP A Fueva en Tierrantona (Sobrarbe)

CEIP A Fueva en Tierrantona (Sobrarbe)

“Con 47 ninos y ninas matriculaus t’o venient curso, as condicions en que se trobarán as y os mayestros y monitors serán muit embolicadas si quieren realizar a suya labor correctament”, denuncia l’AMPA d’o CEIP A Fueva, ubicau en Tierrantona (comarca d’o Sobrarbe).

Dimpués de mas d’un anyo chilando a o Departamento d’Educación -dirichiu por Dolores Serrat-, de reunions y promesas, os educadors, pais y mais se sienten albandonaus.

Dende l’AMPA aseguran que continarán “reivindicando y treballando entre tot o verano” dimpués de conoixer que a consellera d’Educación, Dolores Serrat, negaba en una trobada con l’alcalde d’a localidat, Ramón Laplana, a suya propuesta: instalar un aula prefabricada ta poder acullir a os 21 alumnos y alumnas d’Infantil que se suman iste curso a a o centro escolar.

“O problema no ye solament t’os ninos y ninas d’Infantil. Os demás alumnos y alumnas de Primaria se dividen en atras dos clases de menor grandaria en que as mesas son colocadas de traza preta”, explica l’AMPA.

Fuent: http://arainfo.org/2014/07/el-colegio-del-val-da-fueva-se-queda-sin-espacio/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.