O colechio Val d’Espartera II será presto en setiembre de 2013

O centro se ferá en dos fases. As primers obras ferán as nueu clases d'infantil y dimpués se ferá l'edificio de primaria

Simulación informatica d'o colechio (Imachen: D.Ch.A.)

Simulación informatica d’o colechio (Imachen: D.Ch.A.)

En publicar-se en o Boletín Oficial d’Aragón a surtida a licitación d’as instalacions d’o Colechio Val d’Espartera II, s’amana a instalación d’ista nueva infraestructura en un vico que no deixa de creixer.Manca de conoixer encara o prochecto, que será d’a interpresa que gane lo concurso, pero s’ha confirmau que as obras tendrán una valor de 2,5 millons d’euros y que habrá de construyir-se en ueito meses dende que prencipien as obras. En ixe tiempo, s’ha de fer un centro de tres vías, ye decir de tres clases por curso. Si os plazos no se prolargan, o centro habría d’estar funcionando ta setiembre de 2013.

As interpresas que quieran construyir o centro podrán presentar as suyas ufiertas dica lo venient 20 d’agosto. En una primer fase, se construyirán nueu aulas d’educación infantil, un minchador y los departamento cutianos como a cambra de profesors u os escusaus. Seguntes ha notificau lo Gubierno d’Aragón, serán en o sulero baixo, endrezadas ent’o sur y arredol d’un patio.

En una segunda fase prencipiarán as obras d’o modulo d’educación infantil: deciueito clases, chimnasio y vestuarios, biblioteca, aulas t’a plastica, mosica y atros emplegos, antimás d’escusaus, espacios ta secretaría y despachos.

O CEIP Val d’Espartera II ye un d’os prochectos incluyius en o Plan d’Infraestructuras Educativas 2012-2015 d’o Gubierno d’Aragón que suposará una inversión de quasi 65 millons d’euros ta construyir 13 centros educativos, enamplar-ne atros 13 y fer obras de conservación y amilloras.

Aintro d’iste plan, o venient curso 2012-2013 prencipiarán a funcionar l’aulario de Primaria de Rosals d’a Canal, o CEIP Miralbueno II, o CEIP de Novallas, o IES Val d’Espartera y s’enamplarán o IES Zucrera y o CEIP Gil Tarín d’A Muela.

 

Fuent: http://www.aragon2.com/n-19803-3-colegio_Valdespartera_II_estara_listo_septiembre_2013

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.