O comercio minorista s’espalda por a puyada de l’IVA

Seguntes informa l'INE, a cayida interanual ye d'o 12,6% en setiembre. O comercio minorista suma ya 27 meses continos de cayida de vendas. Ye un dato muito pior de l'asperau

A puyada de l’IVA aplicau dende l’1 de setiembre ha fundiu as vendas d’o comercio minorista muit por dencima de l’estimau por o Gubierno, seguntes bells analistas consultaus por Bloomberg, que calculaban que o descenso podría estar d’o 7,8%.

Manimenos, l’INE ha dau a conoixer que as vendas d’o comercio minorista s’han anotau una cayida interanual d’o 12,6% en setiembre, o que afonda en 10 puntos a cayida d’agosto sumando ya 27 meses continos d’esferra y aconseguindo marcas no rechistradas anteriorment.

En os primers nueu meses de 2012 o comercio ha reduciu as suyas vendas en un 6% si las contimparamos con o mesmo periodo de 2011. Con tot y con ixo, a cayida se siente mas que mas entre agosto y setiembre d’iste anyo con a dentrada en vigor d’o nuevo IVA, que elevó o tipo impositivo cheneral d’o 18% a o 21%. Os consumidors han privau gastos dica o punto que, en termins interanuals, o comercio minorista ya rechistra un descenso d’o 9,6%.

Por sectors, en l’alimentación a venda cayó un 5,9%. A resta s’espaldó un 16,8%. Por eixemplo, en equipo d’o fogar desciende dica en un 21% mientres que en biens o descenso ye d’un 15,9%. Amás, l’estixeretazo en o gasto ha afectau por igual a grans superficies comercials y a las chicotas cadenas con descensos superiors a o 14% en totz dos casos.

Fuent: http://www.aragon2.com/n-20383-503-comercio_menor_derrumba_subida_IVA

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.