O cometa ISON sufre “un esclate” d’activitat y se fa observable “a simple vista”

O suyo esclate d'actividat podría deber-se a la suya aproximación t'o Sol

cometa isonO cometa ISON ha sufriu un “esclate” d’actividat y s’ha feito “observable a simple vista” en una fase d’aproximación t’o Sol, seguntes han confirmau investigadors de l’Instituto d’Astrofisica d’Andalucía (IAA-CSIC). L’actividat d’o cometa “ha sorprendiu a os astronomos” que participan en campanyas d’observación pa estudiar-lo antes y dimpués d’o suyo maximo acercamiento t’o Sol, seguntes explica o CSIC.

Una d’as causas d’a visibilización d’as estrelas reside en as transformacions que sufren os cuerpos celestes quan s’aproximan ta l’astro rei, ya que os chelos se calientan, evaporan y arrociegan con ell os granos de polvo, que en quedar libres, refleixan a luz d’o Sol. Asinas ye como se forman a coda d’o cometa y a taca difusa que embolica a o nuclio.

Formación y evolución d’o Sistema Solar

A isto s’adhibe, seguntes un d’os investigadors, Pablo Santos Sanz, que l’actividat d’o cometa ha experimentau un aumento d’unas 15 vegadas en a producción d’acido cianhidrico, en tasament 48 horas, y qualques fuents apuntan tamién a un aumento d’a sublimación de l’augua.

O “esclate” d’actividat tien explicación en que solament un hemisferio d’o nuclio ha recibiu radiación solar, por o que encara puede haber-ie “chelos frescos” en l’atro hemisferio, que tasament han recibiu a luz d’o Sol. De vez que o cometa se vaiga amanando ta l’astro rei, i habrá partes agora en suembra que de rapiconté reciban radiación solar y puedan sublimar-se.

Iste cometa amuestra “peculiaridatz”, como por eixemplo, que por a suya orbita se calcula que procede d’a boira d’Oort, que rodea o Sistema Solar y que se creye que ye formada por os repuis d’a nebulosa que facioron a o Sol y en as planetas d’o Sistema Solar fa 4.600 millons d’anyos.

A boira d’Oort contiene os nuclios que desembolican a las estrelas de largo periodo, por o qual o estudeo de l’ISON permitiría de dar con “belunas claus fisicas y quimicas” que aduyen a comprender a formación y evolución d’o Sistema Solar.

Maximo acercamiento t’o Sol

Astronomos rusos lo descubrioron o 21 de setiembre de 2012, fendo servir un telescopio d’o Ret Internacional Scientifico Optico, y o suyo nombre procede precisament d’o suya nombre en anglés.

Amás, se da a circumstancia que iste cometa practicament rozará o Sol o venient 28 de noviembre. Alavez, a uns 1,8 millons de kilometros d’o Sol, podrá aconseguir temperaturas d’uns 5.000 graus.

A calor puede provocar un intenso periodo d’actividat derivau, no solament d’a sublimación d’o chelo, apuntan os investigadors, “sino tamién d’os silicatos u mesmo de metals”.

Unatra posibilidat ye que ISON acabe fragmentando-se u “evaporizando-se” igual que ha ocurriu con mas de 2.000 estrelas incluidas en a categoría d’os quals rozan o Sol.

Trachectoria d’o cometa ISON dende o 01.10 dica o 02.12

O paso de l’ISON mas amán d’o Sol (Perihelio) será o 28.11 a las 18:41 U.T.). Dende o 2 d’aviento dica o 30 d’aviento an que gradualment perderá o suyo brilo (mayor magnitut), recorrerá dende Scorpius, Ophiuchus, Serpens, Hércules, Corona Borealis, Hércules, Draco, Cassiopeia y Camelopardalis, ye por ixo que será invisible a os observadors d’o hemisferio sud. O 26 d’aviento será a una minima distancia d’a Tierra de 64,33 millons de kilometros, con una magnitut de +5,1.

Fuent: http://noticies.sirius.cat/2013/11/el-cometa-ison-sofreix-un-esclat.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.