O cometa Panstarrs y l’asteroide 2012 DA14, espectaclo de gufanya ta febrero

O mes de febrero depara dos acontecimientos astronomicos t'os aficionaus a ista sciencia

cometapanstarrO cometa C/2011 L4 Panstarrs (en a imachen) s’amanará entre chinero y febrero a uns 45 millons de kilometros de distancia y plegará a estar mas brilant que no Venus. Os scientificos hawaianos Wainscoat y Micheli consideran que podría estar o mas notorio d’o decenio, pero no representará garra periglo. O cometa se localizó mientres o 5 y 6 de chunio de 2011, quan viachaba a 1.200 millons de kilometros d’a Tierra. Hue ye a 600 millons de kilometros. O chicot asteroide 2012 DA14 pasará a uns 3,5 radios terrestres d’a superficie d’a Tierra o 15 de febrero de 2013.

Ta aduyar a os observadors, os astronomos recomiendan a qui deseyen veyer o cielo buscar cara ta l’este en horas previas a l’amaneixer, parando cuenta que ye un obchecto difuso y dificil de trobar en primera vista.

Se suchiere especialment buscar puestos a on i haiga poca luminosidat, como o campo u a placha, ya que será mas facil quanto mas fosco sía o cielo. Tamién puede estar util fer servir binoculars.

Os cometas son obchectos difusos y se presentan como un “manchón luminoso” mas brilant ent’a zona d’a cabeza y menos luminosos ent’a coda.

As prediccions por o que fa a la suya brilantez presentan cierto grau d’incertidumbre por o qual l’astro podrá amaneixer mas u menos brilant seguntes sía l’actividat en a suya zona nucleyar. Sí s’aspera que sía sobre metat de febrero quan plegue a la suya mayor luminosidat y sía mas facil de distinguir a simpla vista.

O “C/2011 L4” estió descubierto por os astronomos Richard Wainscoat y Marc Michelicon en o telescopio Pa Starrs en Hawaii, por o que recibió o nombre C/2011 L4 (Panstarrs). O Telescopio Pa-Starrs 1 (de l’anglés, Panoramic Survey Telescope and Rapid Response System), ye disenyau ta detectar asteroides y cometas que sían un risque t’a planeta.

O “C/2011 L4” será visible en l’hemisferio sud dica o 10 de marzo, quan pase a estar observable nomás t’os países d’o norte de l’Equador.

Descubierto por l’observatorio La Sagra en o sud d’Espanya, o chicot asteroide 2012 DA14 pasará a uns 3,5 radios terrestres d’a superficie d’a Tierra o 15 de febrero de 2013. Manimenos a suya mida no ye guaire determinada, iste asteroide amán d’a Tierra se piensa que ye d’uns 45 metros de diametro.

asteroideda142012da14_sL’asteroide 2012 DA14 pasará por l’interior de l’aniello satelital cheosincronico -a on orbitan os satelites-, situau a uns 35.800 kilometros por alto de l’equador, debuixando un arco en a orbita cheostacionaria (imachen).

A suya orbita arredol d’o Sol puede trahier mas amán d’a superficie terrestre de 3,2 radios terrestres o 15 de febrero de 2013. En ista calendata, l’asteroide se desplazará rapedament dende o cielo d’a tarde d’o sud ent’o cielo d’o maitín d’o norte con o suyo enfoque mas amán que pasará arredol d’a Tierra a las 19:26 UTC quan plegará a una magnitut de -7, que ye una mica mas feble que no a visibilidat a simpla vista.

Amán de 4 minutos dimpués d’a suya trobada amán d’a Tierra, i hai una buena probabilidat de que pase a la uembra d’a Tierra mientres uns 18 minutos u asinas antes de reapareixer dimpués de l’eclix. En viachar rapedament por o cielo d’o maitín t’o norte rapedament s’esvaneixerá a brilantez d’o 2012 DA14.

Fuent: http://noticies.sirius.cat/2013/01/el-cometa-panstarrs-i-lasteroide-2012.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.