O comité de Tata trenca as negociacions por as “indignants” indemnizacions d’a interpresa

A interpresa tornó a presentar a mesma propuesta d'o luns y o comité trencó as negociacions

Foto: Arainfo

Foto: Arainfo

O comité d’interpresa de Tata Hispano decidió de trencar ahiere as negociacions con “una interpresa que no rebla” y que tornó a presentar a mesma propuesta d’o luns. Ista propuesta se basa en 39 días por anyo de servicio con un maximo de 21 mensualidatz, o que os y as representants d’a plantilla calificoron de “indignant”. O comité de Tata reclama 48 días por anyo y 42 mensualidatz.

Encara no s’he plegau a garra mena d’alcuerdo sobre as indemnizacions corresponidents a os 287 treballadors y treballadoras forachitadas dende que o pasau 29 de setiembre s’anunciase o zarre d’a planta en Zaragoza. En iste sentiu, o comité ha indicau que si no i hai alcuerdo y a interpresa imposa as suyas condici0ns acudirán a os tribunals. Caso que finalment se plegue en un alcuerdo, o comité no irá a chuicio ni por o desmantelamiento d’a planta zaragozana ni por “l’ERE irregular”.

Ahiere de tardes, a plantilla tornó a manifestar-se en Zaragoza por os suyos dreitos. A protesta partió dende a plaza Aragón y finalizó en as puertas d’a DGA.

Por l’autochestión de Tata

Antiparte, a plantilla de Tata solicita a la multinacional a cesión d’o material ubicau en a planta aragonesa ta poder seguir con o suyo treballo a traviés d’una sociedat anonima u con l’aduya d’unatra interpresa. Con isto pretenden de mantener os suyos emplegos y chenerar actividat economica.

Fuent: http://arainfo.org/2013/10/el-comite-de-tata-rompe-las-negociaciones-por-las-indignantes-indemnizaciones-de-la-empresa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.