O Comité d’Interpresa de Pikolín desconvoca a vada parcial d’iste viernes

A dirección de Pikolín se compromete a negociar de vez l'ERE y o convenio colectivo, amás de no imposar a chornada flexible a cambeo de que o comité ature as movilizacions

concentracion-pikolin-300x191

Concentración d’a plantilla de Pikolín. Zaragoza, 23 de chinero de 2013. Foto: Pablo Ibáñez (AraInfo)

O Comité d’Interpresa de Pikolín ha decidiu por unanimidat de desconvocar a vada parcial d’una hora convocada ta iste viernes, 25 de chinero, asinas como a concentración d’a tarde en Glorieta Sasera, seguntes informan en una nota de prensa.

Ista desconvocatoria viene causada dimpués de mantener una reunión con a dirección d’a interpresa, a on ista ha alcordau con o Comité d’Interpresa reanudar a negociación d’o convenio de Pikolin hue viernes, 25 de chinero. Ta ixo demanda que se detengan as movilizacions, y a cambeo a dirección se compromete a no imposar a chornada flexible, amás d’estar dispuesta a negociar de vez l’ERE d’extinción y o convenio, reivindicación ista d’o Comité d’Interpresa.

O Comité accepta retirar l’ature de hue viernes, pero mantiene as movilizacions d’a semana venient, a costa d’aconseguir un alcuerdo en os venients días. Todas dos partes s’han citau hue a las 11.00 horas d’o maitín ta pactar un nuevo calandario de negociación. A tamás de que a interpresa no ha retirau l’ERE d’extinción, o Comité qualifica de buena voluntat ta reanudar as negociacions o feito de pactar de vez o Convenio y l’ERE d’extinción, d’ista traza se podrá dar guarancia de futuro a la parte social d’a companyía, asinas como no imposar a chornada irregular dando plazo a pactar-la. Por ixo o Comité creye que as movilizacions d’o mes de chinero, as concentracions, os atures y mas que mas a multitudinaria asamblea celebrada en o pabellón de Sant Gregorio o pasau 12 de chinero, han cumpliu o suyo obchectivo.

Fuent: http://arainfo.org/2013/01/el-comite-de-empresa-de-pikolin-desconvoca-la-huelga-parcial-de-este-viernes-pero-mantiene-las-movilizaciones-de-la-semana-que-viene/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.