O Comité d’interpresa sinyará con OPEL un nuevo ERE

Os emplegaus cobrarán un 70% d'o salario en os 16 diyas d'ERE d'iste anyo, y un 73% o venient

O comité d’interpresa de General Motors Espanya sinyará con a interpresa ista semana l’alcuerdo sobre l’expedient de regulación d’emplego suspensivo de 62 días entre iste anyo y 2012 en ratificar a dirección europea os plans de producción previstos ta la planta.

En una reunión en Alemanya d’o comité de dirección de Opel Europa s’han confirmau os plans t’as factorías de Figueruelas (Zaragoza) y de Eisenach (Alemanya), que comparten plataforma de producción de vehíclos chicotz.

Asinas, a zaguers de 2012 prencipiará a producción d’o modelo Junior en Eisenach y a nueva cheneración d’o Corsa, a meyaus de 2014. A dirección europea ha proposau a extensión d’os mercaus actuals de Opel Vauxhall y a posibilidat que las plantas de Opel fabriquen modelos de Chevrolet.

Ta o president d’o Comité d’interpresa de Opel en Figueruelas, ye una buena noticia que no i haiga una alteración en os plans de producción que afectan a Figueruelas y, por tanto, o comité d’interpresa ye en disposición de sinyar l’alcuerdo d’o ERE con a dirección de GM Espanya.

L’alcuerdo sobre o expediente incluye una compensación por a interpresa d’a prestación de l’aturo ta que os emplegaus cobren a o menos o 70 por ciento d’o salario de tablas mas o 70 por ciento d’o complemento personal en os 16 diyas d’ERE d’iste anyo, y un aumento progresivo dica o 73% en os zaguers días d’aturo tecnico de 2012.

Amás, a interpresa asumirá un día d’o expediente como vacancias iste anyo y unatro en 2012, siempre que la planta pare a producción 40 u mas días d’os previstos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.