O comité executivo d’o PP accepta negociar con C’s pero evita pronunciar-se sobre as condicions

Mariano Rajoy evita de pronunciar-se sobre as demandas exichidas por Rivera: "O PP no ha veniu aquí a parlar de condicions"

Mariano Rajoy (Foto: PP Europeu)

Mariano Rajoy (Foto: PP Europeu)

O comité executivo nacional d’o PP ha decidiu de dar carta blanca a o suyo president, Mariano Rajoy, pa que negocie con Ciudadanos. Asinas l’ha anunciau o dirichent popular mesmo, que en conferencia de prensa ha anunciau que se reuniría bien luego con Albert Rivera. “Ista situación no puede continar entre mas tiempo y a urchencia ye formar gubierno“.

O PP no ha veniu aquí a charrar de condicions

O president en funcions no ha quiesto pronunciar-se sobre as condicions proposadas por Ciudadanos, as qualas, seguntes dició ahiere o partiu narancha, no acceptaban garra matiz. Pero Rajoy ha fuyiu d’estudio y ha negau que hesen charrau d’istas condicions porque a reunión no teneba iste proposito: “Quí diz que nos hemos reuniu pa charrar sobre as condicions? Yo no l’he dito. Lo diz vusté”, le ha espetau a una periodista. Y ha adhibiu: “O PP no ha veniu aquí a charrar de condicions, solament a autorizar y a negociar. A partir d’aquí, ye important de formar gubierno, y nusatros hemos acceptau o encargo“.

En os retz socials, manimenos, ha empecipiau a correr un vidio d’a comparecencia de prensa en que Rajoy afirmó que o comité executivo d’o PP habría de decidir a posición sobre as condicions de Ciudadanos:

Amás, Rajoy tamién l’explicitó en un tuit:

A la trobada no han asistiu, entre atros, Vicente Martínez-Pujalte, Lucía Figar y Ignacio González, os tres imputaus en casos de corrupción. A senadora, Rita Barberá, que muitos companyers de partiu le han pediu que dé un paso ta zaga, tampoco no s’ha presentau a la trobada.

Fuent: http://www.vilaweb.cat/noticies/el-comite-executiu-del-pp-accepta-negociar-amb-cs-pero-evita-pronunciar-se-sobre-les-condicions/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.