O Concello d’Alcanyiz refusa o zarre de 40 diyas d’o Parador

Aseguran que os suyos numers indican una ocupación meya d'o 70% dende que se reformó en 2001, unas cifras mas elevadas que no atras instalacions en as que no se prenerá garra mida de viabilidat

paradorFrent común en as institucions publicas teruelanas ta luitar contra os plans que manulla l’Estau ta retallar os servicios d’os que disposan en l’actualidat. Igual que ha sucediu en o Concello de Teruel, todas as collas representadas en o consistorio d’Alcanyiz han plegau a un alcuerdo ta sinyar de traza unanime una declaración institucional en a que amuestran o suyo refuse a o zarre de 40 diyas por temporada d’o Parador d’a ciudat alcanyizana.

En dito escrito, aseguran que dita instalación ye “una d’as mayors valors turisticas” d’as que disfrutan, amás d’haber erichiu en un “emblema d’a ciudat a ran cultural”. Dos datos en os que s’emparan ta expresar a suya contrariedat debant d’os plans de zarrar o Parador mientres 40 diyas. Seguntes han desvelau, a instalación d’Alcanyiz no ha zarrau ni un solo diya dende que en 2001 se fese a suya zaguera reforma. Dende alavez, ha disfrutau siempre d’una ocupación meya d’o 70%.

Con ditas cifras en a man, dende o Concello d’a localidat tildan d’agravio “comparativo” o feito de que atros Paradors con “piors cifras” no se veigan afectaus por midas similars a las que s’han adoptau en iste caso.

“A ciudat d’Alcanyiz ye en un entorno estratechico immillorable, con unas instalacions esportivas como Motorland, que cheneran una incensant demanda de plazas hoteleras”, manifiestan a modo de conclusión as quatro collas politicas que sinyan a declaración institucional a la que han teniu acceso os meyos de comunicación.

Fuent: http://www.aragon2.net/n-20467-2-Ayuntamiento_Alcaniz_rechaza_cierre_40_dias_Parador

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.