O concello d’Alcorisa aduyará con 18.000 € a las familias en o venient curso escolar

O concello d'Alcorisa critica a desatención d'as comarcas por parte d'o Gubierno aragonés en educación

Celebración escolar d'o Día d'a Paz. Foto: Concello d'Alcorisa

Celebración escolar d’o Día d’a Paz. Foto: Concello d’Alcorisa

O concello d’Alcorisa, a traviés d’a concellería de Bienestar Social y Sanidat, dará aduyas pa lo curso escolar 2014/15 con cargo a o suyo presupuesto, pa aduyar a familias empadronadas en a localidat con dificultatz economicas por valor de 18.000 €. Istas aduyas ferán honra pa los gastos d’escolarización en escuela infantil, minchador y material escolar en educación primaria, secundaria y educación especial.

Ista ye a segunda vez que o concello apreba istas aduyas debant d’o empioramiento d’a situación economica en a localidat baixoaragonesa debiu a o zarre de diversas interpresas de construcción y minería fundamentalment. L’alcaldesa, Julia Vicente, explicó que as aduyas tienen “a finalidat d’ixamplar as aduyas d’atras administracions, que tienen a competencia educativa que son clarament insuficients y en cuenta d’aumentar viemos como diminuyen”. Vicente critica que o Gubierno aragonés se’n desentendese y delegase en as comarcas: “a día de hue encara no sabemos si istas van a tener diners pa mantener ubiertas as escuelas infantils o curso venient“.

As aduyas se concederán en función d’os ingresos d’a unidat familiar. 8.000 € irán destinaus a la escuela infantil y os atros 10.000 pa libros y material. Se dará a las familias dica un 50% d’o coste, tanto en infantil como en material escolar, encara que as cantidatz podrían incrementar-se u beneficiar-se-ne atras familias si queda diners.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.