O concello de Calatayut habilitará dos viviendas pa familias en risgo d’exclusión social

Amás, gracias a un acuerdo con Bantierra, atras cinco viviendas irán destinadas a istos fins

Anvista de Calatayú (Foto: Biquipedia)

Anvista de Calatayú (Foto: Biquipedia)

O concello calatayubí acondicionará dos viviendas, de propiedat municipal, en a carrera Bañuelo, con a fin que familias con dificultatz economicas puedan beneficiar-se-ne. 25.ooo € ye a cifra que o concello destinará pa dito fin, a traviés d’a companyía publica Compromyso S.L.

Istas dos viviendas se suman a las cinquanta viviendas que ya son ocupadas por familias sin recursos que cumplen os requerimientos d’os Servicios Socials de Calatayut.

Amás, cinco casas mas se meterá a disposición de familias necesitadas, gracias a un acuerdo entre o concello calatayubí y a entidat bancaria Bantierra. D’istas cinco casas, deshabitadas y propiedat d’iste banco, quatro serán pa familias monoparentals, y una pa familias mas grans. Servicios Socials s’encargará d’estudiar as solicitutz y adchudicar-las.

José Manuel Aranda, alcalde d’a ciudat, ha comentau que “os prochectos relacionaus con Bienestar Social son una prioridat en o concello“, referindo-se a istas actuacions con as familias en risgo d’exclusión social.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.