O Concello de Calatayut habrá de pagar as subvencions de cooperación que concedió en 2010

A Federación Aragonesa de Solidaridat (FAS) s'amuestra satisfeita por a sentencia que obliga a o Concello de Calatayut a pagar as subvencions que concedió

FASO Concello de Calatayut presupuestó en l’anyo 2010 a cantidat de 25.500 euros ta subvencionar prochectos de cooperación a o desembolique y solidaridat. A convocatoria se resolvió favorablement ta bellas ONG que presentoron os suyos prochectos a o consistorio bilbilitano. Manimenos, denguna d’ixas ONG recibió a subvención que se les concedió.

A FAS manifestó a suya condena a ista actuación ilegal por a que s’estableixe que una subvención no puede retirar-se una vegada resuelta y chustificada. Amás, bellas ONG denuncioron istos feitos debant d’o Concello de Calatayut por meyo d’un proceso potestativo que estió denegau, por o qual qualques ONG encetoron un proceso contencioso administrativo contra o Concello de Calatayut.

Iste proceso ha estau resuelto favorablement t’as ONG en aviento de 2012 y, encara que ha estau largo, as ONG s’amuestran satisfeitas con o resultau ya que, de no estar por ista sentencia favorable, ista mena de scenarios podrían creyar precedent en atras administracions. Dende a FAS creyen que “una administración publica puede decidir u no de convocar subvencions, pero si las convoca y las resuelve, debe de mantener o compromís de pagar-las”.

Fuent: http://arainfo.org/2013/01/el-ayuntamiento-de-calatayud-tendra-que-pagar-las-subvenciones-de-cooperacion-que-concedio-en-2010/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.