O Concello de Lumpiaque restaura uns bancos de gran valura

Ditos bancos yeran feitos servir por as autoridatz d'a Ilesia.

O Concello de Lumpiaque (Zaragoza) ha restaurau dos bancos, d’arredol de 1940, que antis más yeran emplegaus por as autoridatz d’a Ilesia. Os miembros d’a Escuela Taller d’a DPZ Juan Arnaldín han estau os encargaus de fer iste treballo, que se presentó en sociedat o viernes en o Salón d’Actos d’o Concello de dita localidat.

 

Concello de Lumpiaque

O diputau delegau de Bienestar Social d’a DPZ, Máximo Ariza, declaró que dende que dentrón en a corporación monecipal, fa ueito anyos, son mirando-se de restaurar “o poco que tenemos de valura””. Por ixo, seguntes ha subrayau, ya restaurón un retablo d’a ilesia y agora han decidiu fer o mesmo con istos bancos que tienen una valura “sentimental y artistica”.

 

Ta o delegau, os bancos han quedau “impecables” y s’ha respetau o torneau. A más, tal y como ha senyalau, s’ha completau tot lo que mancaba, en particular uns pirulos “que s’han restaurau y colocau como se suposa que yeran en orichen”.

 

Asinas mesmo, Máximo Ariza ha indicau que debaixo d’os posientos bi ha uns caixóns que s’ubriban y s’abatiban y tamien han estau restauraus y “los han deixau impecables” L’acto de presentación se ferá en o marco d’a Semana Cultural d’a localidat.

Fuent: http://www.comarcas.es/index.php/mod.noticias/mem.detalle/idnoticia.6561/relcategoria./chk.aa4091609d937b46c787c0404fc27bf9.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.