O concello de Monzón ferá un Expedient de Regulación de Treballo

Será vichent mientres una anyada

O concello de Monzón ye planeando fer un ERT (Expedient de Regulación de Treballlo) d’una anyada de vichencia que afectará a trenta treballadors municipals. Lo fan ‘debant d’a delicada situación economica d’o concello’.

En rueda de prensa han criticau a os anteriors gubiernos d’a ciudat que, seguntes l’alcaldesa, Rosa María Lanau, facioron ‘una chestión irresponsable’. O concello tien una gran deuda por a que bosa d’intreses 1500 euros cada diya, informoron.

En istos zaguers meses ya bi ha habiu atras retalladas. Bellas ferias se ferán cada dos anyadas en cuenta de todas, bi habrá un diya menos de fiesta ta Sant Mateu, menos subvencions, se sacarán as aduyas t’os fillos naixius, se suspenderá o Torneu Internacional de Tenis y asinas asinas.

IU refusó ista mida presa por l’equipo de gubierno PP-PAR y desichió una convocatoria urchent d’a chunta de portavoces.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.