O Concello de Teruel confirma o retalle de linias de bus urbano

Seguntes os plans incials, dos linias -una de ellas a nocturna- serán eliminadas y atras tres sufrirán retalles de freqüencia de tardes. As mas demandadas, no se tocarán

DIGITAL CAMERACon l’obchectivo d’encauzar o deficit y permitir a o Concello de Teruel mas marguin de maniobra con os diners disponibles, iste lunes ye a calendata fixada ta que a Chunta de Gubierno Local d’o consistorio teruelano aprebe o retalle en as freqüencias d’o bus urbano y, amás, reduzca o numero d’unidatz en servicios por as carreras d’a capital, o qual obligará a eliminar bella linia considerada imprescindible por l’equipo de gubierno.

Con ista mida, o Concello de Teruel desembolsará menos diners a Tezasa, a interpresa que en l’actualidat s’encarga d’o servicio. Se tracta d’una mida considerada “necesaria” por parte de José Navarro, concellero de Transportes, que ha remerau amás que son muitos os servicios d’autobús que operan “parcialment vuedos” en determinaus momentos d’o día.

Una situación que les ha levau a considerar ixe servicio como un “gasto” important no nomás t’o Concello de Teruel, soque tamién t’a interpresa concesionaria. “Suposaba un gasto que le costaba a la interpresa dificultando-le, por eixemplo, o pago d’as nominas, como hemos visto, y a o Concello porque pagaba una subvención por un autobús que iba vuedo”, ha asegurau Navarro en declaracions que replega l’achencia Europa Press.

“No somos ta malfurriar”, ha matizau o concellero de Transportes. Con ista decisión, o consistorio calcula que podrá cabidar amán de 113.000 euros a l’anyo por un servicio que, nomás l’anyo pasau, costó una subvención de meyo millón d’euros.

En primeras, si no se producen mas cambeos, tanto a linia nocturna como a siet serán eliminadas, mientres que a dos, tres y quatro habrán de reorientar os suyos horarios ta reducir as suyas freqüencias en chornada de tardes. No i habrá modificacions d’o servicio en as dos linias mas demandadas de Teruel, a uno y a seis, que son “as mas ocupadas” y no se reducirán “ni de maitins, ni de tardes”, ha concluyiu Navarro.

Fuent: http://www.aragon2.net/n-20551-2-Ayuntamiento_Teruel_confirma_recorte_lineas_urbano

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.