O Concello de Teruel escomencipia o programa ‘Te-Integra’

Bells departamentos d'o Gubierno d'Aragón aduyarán a financiar un programa con o qual se pretende amillorar a integración d'a comunidat immigrant en a capital teruelana

O Concello de Teruel, a traviés d’a concellería de Servicios Socials ha escomencipiau o denominau prochecto TE-INTEGRA ‘Teruel aculle, forma y capacita a la población immigrant’. Seguntes fuents municipals, se tracta d’una iniciativa dirichida t’a población immigrant d’a capital teruelana con a que se tractará de favoreixer una optima acullida a os suyos destinatarios, asinas como diferents tallers que capacitan y fomentan a promoción personal, social y laboral.

Un prochecto que cuenta con l’emparo de bells departamentos d’o Gubierno d’Aragón (Servicios Socials y Salut) y d’o Fondo Social Europeu, que i aporta un 50% d’o presupuesto que se manullará. “Con ista iniciativa se pretende orientar a os immigrants, facilitar a suya inserción laboral y reforzar especialment a promoción personal, social y laboral d’as mullers immigrants”, han sinyalau as mesmas fuents.

Os tallers, de ueito horas de duración, prencipiarán o venient 24 d’octubre y bi incluyen o fomento d’as habilidatz socials, información socio-laboral, competencias y ferramientas educativas, alimentación y salut, organización d’o fogar y prevención d’accidents, recursos educativos, sanitarios y socials y planificación familiar. Se ferán en o Centro Social ‘Ciudat de Teruel’.

Totz aquells que sían intresaus en recibir ista formación, pueden acudir a inscribir-se-ie u bien a informar-se-ne a o Centro Municipal de Servicios Socials en a carrera Yagüe de Salas (numero 16) de Teruel u bien meter-se en contacto con os responsables a traviés d’o correu electronico que s’ha facilitau: centroprevencion@teruel.net.

Fuent: http://www.aragon2.com/n-20351-702-Ayuntamiento_Teruel_pone_marcha_programa_TeIntegra

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.