O concello de Teruel presienta o programa d’ocio alternativo ta chovens

Más de 400 personas gosan de participar en istas actividatz

Autoridatz en a presentacion

Autoridatz en a presentacion

O programa “O tuyo Ocio Alternativo” t’o primer trimestre de 2014 prencipia con nueva actividatz antimás d’as ya cutianas, con l’obchectivo de plegar en un mayor numer de chovens. Asinas lo ha explicau Sara Hernández, concellera de Choventut d’o Concello de Teruel, qui ha presentau o programa, destacando que totz os cursos y tallers programaus se gosan de plenar, con 20 u 25 participants en cadagún.

Entre chinero y marzo s’ufren 20 tallers ta chovens, 2 campionatos, 5 collas chovenils y un espacio d’ocio. Cuanto a os tallers se contina con a danza creyativa y contemporania, teatro, yoga, pilates, meditación, cariocas, actividatz variadas ta discapacitaus intelectuals, tallers d’educación ambiental, salidas didacticas senderistas, retoque de fotografía, etc. Como actividatz esportivas y competicions continan os campionatos de frontenis de nueitz y o campionato d’o videochuego Pro Evolution.

Entre as novedatz, cal destacar o taller de flamenco, o de chi kung (chimnasia d’orichen chinenco que se basa en o control de l’alentar y exercicios moderaus), o d’automaquillache y o de prencipios d’alemán. Tamién bi ha tallers de cocina ta celiacos, curso de cuentacuentos con Maricuela y decoración de cupcakes.

Cuanto a las collas, a concellería de Choventut contina refirmando con bells pocos diners t’as actividatz suyas a lo Coro Chovenil de Voces Blancas, l’Asociación d’o Gremio d’Historias, l’Asociación de Malabars Quatre Mixíns, l’Asociación Cultural Tango y Baile de Teruel, l’Asociación Flors de Anjana y a Colla de Mosica y Percusión Africana.

Antimás, o Colechio Sant Nicolás de Bari, se contina fendo servir como espacio d’ocio chovenil, con futbolins, ping pong, mesa d’aire, chuegos de mesa, … os viernes y sabados de 17 a 21.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.