O Concello de Tosos vota por unanimidat contra a chestión d’a CHE de l’entibo d’As Torcas

Demandan que no se i almacene augua dillá d'o 80% d'a capacidat de l'entibo por qüestions de seguridat.

Os concellers de Tosos en o debat (Foto: Uerva Viva)

Os concellers de Tosos en o debat (Foto: Uerva Viva)

O concello de Tosos (Campo de Carinyena) ha aprebau iste lunes por unanimidat de totz os suyos concellers, una moción a-saber-lo critica con a chestión d’a CHE cuanto a l’entibo d’As Torcas. En a moción, presentada por l’asociación Uerva Viva,  demandaba “o correcto cumplimiento d’a chestión de l’entibo y que o ran d’as auguas no pasase d’o 80 %  d’a capacidat suyo.

Os libels d’o zaguer mes de chunio, ampraus por l’asociación d’o SAIG de l’Ebro yeran entre o 98% y o 100,2% d’a capacidat de l’entibo, lo que Uerva Viva considera “datos y libel preocupants, ya que o libel de contención de creixidasque habría d’estar regulando-se en l’entibo d’As Torcas ha de corresponder a lo 80% d’a capacidat suya y, dende fa ya bells meses que ye muito por dencima d’ixa cifra”.

En a exposición de motivos, o concello ha considerau que o lugar y toda la redolada son en “serio periglo, ya que ye bien conoixiu que o entibo d’As Torcas tien una falla en o terreno que fa que sía muito perigloso almacenar-ie masiada augua, y a presión que ye soportando lo muro d’a compuerta de l’entibo ye muito preocupant”.

A moción, que se ha aprebau con os votos a favor d’0s quatre concellers d’o PSOE y o conceller d’o PAR, exiche a la Confederación Hidrgrafica de l’Ebro “a correcta chestión de l’entibo cuanto a lo libels de contención de creixidas” y que no se o almacene augua dillá d’a muga d’o 80% d’a capacidat suya “ta poder regular a capacidat d’absorción d’una creixida extraordinaria y poner mantener libels optimos d’almacenamiento d’augua t’os riegos”.

2 Rispuestas a O Concello de Tosos vota por unanimidat contra a chestión d’a CHE de l’entibo d’As Torcas

  1. Pingback: O Concello de Tosos vota por unanimidat contra a chestión d’a CHE de l’entibo d’As Torcas | AraInfo | Achencia de Noticias d´Aragón

  2. Pingback: Una moción critica la “mala gestión” de la CHE en Las Torcas | HUERVA VIVO

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.