O Concello de Uesca confirma “grans cambeos” con o Plan de Mobilidat

Dende o consistorio uescano se van abanzando novedatz importants que cambiarán en gran parte a traza de circular por a ciudat. Quan o centro sía peatonal, os conductors habrán d'aprender os camins alternativos

Porches_de_Galicia_en_Huesca_49988Uesca s’amana a escape ta unnuevo modelo de ciudat con l’aplicación d’o Plan de Mobilidat, d’o que se’n son encargando a interpresa Doymo. En primeras, seguntes os plans inicials, a ideya ye prencipiar a aplicar-lo dende l’1 de setiembre. En os zaguers meses, o Concello de Uesca ha iu informando progresivament d’os cambeos que se podrán alufrar, alazetalment en as zonas piatonals, que ganarán muito protagonismo.

Por iste zaguer motivo, Gerardo Olivan, concellero de Mobilidat d’o Concello de Uesca, ha explicau os cambeos mas relevants y ha abanzau que l’aplicación d’o plan suposará importants cambeos t’a ciudat. Dentro de toda ista anvista, cobra especial importancia o parking soterranio d’a plaza Sant Antonio asinas como o nuevo servicio de bus urbano, que se presentará en breu remodelau con mas aturadas y freqüencias.

Aumentarán tamién as denominadas como carreras estancials, a on nomás podrán acceder-ie os vehíclos d’emerchencia, una situación que tamién se dará en a ‘zona T’ que conforman os Porches de Galicia con o Coso. Ta comodidat d’os 7.000 uescanos y uescanas que caminan cada diya por ista zona, se reurbanizará quan o presupuesto lo permita. A día de hue, ya se son convertindo en piatonals a carrera de Berenguer, a plaza Universidat, y Sant Bernardo. A ellas s’unirán, entre atras,  Petronila, Zarandia, Moya y Palacio.

Quan o centro se convierta en piatonal, os autos que deseyen cruzar Uesca en sentiu este-ueste habrán de fer-lo por Lucas Mallada. T’o trachecto norte-sud s’habrá de fer o propio por as carreras Cavia y Cabestany, que se convertirá en breu en una carrera de sentiu unico.

Fuent: http://www.aragon2.net/n-20662-2-Ayuntamiento_Huesca_confirma_grandes_cambios_Plan_Movilidad

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.