O Concello de Zaragoza anuncia nuevos achustes en o servicio de bus urbano

O concello diz que as retalladas se chustifican por una baixada d'un 5% en a demanda. Se sacan bellas linias y se cambian as freqüenciasas frecuencias de una decena de ellas.

Autobús en a Plaza Utrillas (Foto: Macfacizar)

Autobús en a Plaza Utrillas (Foto: Macfacizar)

O Concello de Zaragoza ya veniba avisando en as zaguers semanas que o modelo de bus urbano heba de cambiar. Dica que se faiga lo concurso d’a contrata, o Concello ha preso a determinación de fer una primer reordenación d’o servicio que se irá complementando con atras posteriors en l’inte que toda a linia d’o tramvía siga funcionando.

Carmen Dueso, consellera de Servicios Publicos, ha dito que os nuevos cambios se fan ta achustar o servicio t’a baixada d’o 5 % en a demanda. D’ista traza, se conseguirá cabidar 1,2 millons de kilometros que se traduz en cinco millons d’euros menos. Dica o 2 de chilio, todas as linias continarán igual como agora.

D’entre totz os cambios, os más importants son que se sacan as linias 27 y 48. A primer d’ellas deixará de fer o suyo recorriu a lo menos dica que o Parque Esportivo Ebro reprenga a suya actividat. A segunda, que nomás circulaba miercols y domingos ta carriar a los zaragozanos dica l’azoque d’o rastro, tasament s’ha feito servir y a baixa demanda ha rematau por fer-la zarrar. Manimenos, quan a Ciudat d’a Chusticia, y a resta de servicios que se levan t’a zona Expo, prencipien a funcionar, o Concello se replanteyará a situación.

Tamién se fan cambios en as lanzaderas que se metioron en servicio ta favoreixer a intermodalidat con o tramvía. Como han denunciau bella vez os vecins, as linias 54, 55, 56 y 57 no cumplen con as suyas desichencias y, dimpués d’una anyada funcionando, o Concello creye que no calen os poders que se fan y achustará as freqüencias suyas.

A 57 cambea de tot, trestallando-se en dos: una parti d’a linia surtirá d’a Fuent d’a Chunquera ta rematar en Vía Iberica cada 30 minutos y l’atra irá por Casablanca tamién dica Vía Iberica cada 8 minutos entre as 6:30 y las 22:00 y cada 18 minutos de 5:00 a 6:30 y de 22:00 dica 0:30.

Bi ha más cambios. Se sacan os buses articulaus d’as linias 20 y 30 ta sustituyir-los por nomals y levar os dobles dica la 24 que, seguntes ha sinyalau Dueso, ha teniu una puyada important d’a demanda. Ta rematar, os usuarios d’as 23, 32, 33, 34, 35, 38, 40 y 42, viyerán como, dende o 2 de chulio, o cabo de semana han d’asperar un minuto más ta que plegue l’autobús.

 

Fuent: http://www.aragon2.com/n-19589-3-El_Ayuntamiento_de_Zaragoza_anuncia_nuevos_ajustes_en_el_servicio_de_bus_urbano?utm_source=feedburner&utm_medium=feed&utm_campaign=Feed%3A+Aragon2UltimasNoticias+%28Arag%C3%B3n2.com%29

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.