O concello de Zaragoza demanda cobrar l’IBI u compensacions por as exencions

Deixa de ingresar quasi 10 millons d'euros d'ixe impuesto

Juan Alberto Belloch (Foto: Rodrigo Sepúlveda)
Juan Alberto Belloch (Foto: Rodrigo Sepúlveda)

O concello de Zaragoza ‘ye en contra de todas as exencions d’o IBI d’a Ilesia catolica y a toda mena d’entidatz’. Son declaracions de Fernando Gimeno, vicealcalde de Zaragoza, qui ha amostrau o refús d’o concello a que bi haiga entidatz que no paguen o Impuesto de Biens Inmuebles.

O concello s’amostrau partidario de que o gubierno espanyol cambee as leis que dan ixe privilechio a bellas institucions y entidatz u que, en caso de no cambiar-lo, se compense a los concellos por ixa manca de ingresos. O IBI ye un impuesto que va t’os concellos, pero que buena parti d’a suya normativa la fa o gubierno espanyol. A respuesta g’o gubierno de Rajoy no s’ha feito asperar y ye estada negativa. A lei no se cambiará por agora.

Zaragoza deixa d’ingresar cada anyada un ottal de 9.420.886,10 euros por istas exencions, que tienen o suyo orichen en o Concordato entre l’estau y a Santa Siede, en a Lei de mecenazgo y a Lei de ficiendas locals. D’ixos quasi 10.000.000 d’euros, 3,3 vienen d’as exencions d’edificios de Esfensa, Seguridat y amostranza publica. Con bell poco más de dos millons, le siguen os inmuebles d’a Ilesia catolica y atras confesions relichiosas, un 21,67% d’o total. L’amostranza concertada, en a suya mayoría tamién catolica, se leva un 14,78%, quasi 1.400.000 euros. Fundacions, ferrocarrils, u BICs (Biens d’Intrés Culturals) son atras d’as entidatz que no pagan IBI y que completarían ixos más de nueu millons d’euros que o concello no ingresa cada anyada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.