O concello de zaragoza gastará menos en lucetas de Nadal

O presupuesto total ta istas lucetas baixa más d'un 35 %.

O concello de Zaragoza ha prencipiau ya a instalar as lucetas de Nadal por toda a ciudat. Estianyo lo presupuesto total ha baixau en bell poco más d’un 35 %.

Con tot y con ixo, serán más de 70.000 euros d’inversión en tres menas de lucetas: lampas sobre os arbols, arcos entre as fronteras d’os edificios y luces sobre os soportes electricos. As luces s’enchegarán o diya 2 d’aviento y no s’amortarán dica o 8 de chinero con un consumo total de quasi 50.000 watios, quasi 69.000 menos que en 2010. Antimás, dende 2009, as lucetas son LED que consumen menos que no as tradicionals.

Os puestos a on meter as lucetas s’han trigau de conchunta entre o concello de Zaragoza y a Federación de Interpresarios de Comercio y Servicios de Zaragoza y Provincia (ECOS) seguntes criterios en función d’as zonas comercials y prebando d’alternar os puestos a on que se meten cada anyada.

O paseyo Independencia con lucetas (Foto: Roberto Ruiz)

O paseyo Independencia con lucetas (Foto: Roberto Ruiz)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.