O Concello de Zaragoza hereda una deuda amagada por valor de 90 millons d’euros

Se tracta de 38 sentencias firmes sin consignación presupuestaria a las que cal fer cumplimiento mientres estianyo y que suposan 44.817.270 euros

Foto: Concello de Zaragoza

Foto: Concello de Zaragoza

O Gubierno d’a ciudat ha decidiu d’acudir a un Fondo d’Empento Local, creyau en chunio d’estianyo por o ministerio d’Hicienda y Administracions Publicas, ta asumir os compromisos derivaus d’o cumplimiento de sentencias firmes a calendata de 28/07/2015 y as previsions por iste mesmo concepto ta 2016.

Se tracta de 38 sentencias firmes sin consignación presupuestaria a las que cal dar cumplimiento entre estianyo y que suposan 44.817.270 euros, amás d’a previsión d’o coste d’atras sentencias que o consistorio habrá de concarar entre 2016 y que será, seguntes datos disponibles, de mas de 45 millons d’euros.

En total, o Concello de Zaragoza pedirá mas de 90 millons d’euros. En qualques casos as sentencias se remontan a os anyos novanta y os intreses derivaus dende allora alcanzan ya os 19 millons d’euros.

A decisión s’ha preso dimpués d’os primers datos obtenius de l’auditoría interna financiera encargada por o Gubierno municipal y dirichida por o Servicio d’Intervención, y que os suyos resultaus finals se conoixerán a partir de setiembre. L’alcalde de Zaragoza, Pedro Santisteve, ha quiesto subrayar a importancia de realizar ista auditoría “dende un primer momento” ta poder “buscar solucions a tiempo, frent a una situación que nos ha veniu dada”.

En iste sentiu, Santisteve ha sinyalau que ha existiu “una falta de prudencia financiera y economica, ya que s’habrían d’haber provisionau fondos en o presupuesto municipal ta asumir istas obligacions d’a chusticia, quan solament i heba una partida de 250.000 euros”.

L’alcalde ha destacau que “no han veniu a charrar d’herencio recibiu, si no a mirar solucions” y ha explicau que ta fer frent a ista situación a millor opción ye a d’acudir a un Fondo d’Empento Local, que ofreixe millors condicions que o mercau financiero. O plazo maximo t’a solicitut d’ista aduya remata o 22 d’agosto d’estianyo.

A resultas d’a modificación d’a Lei Organica de Financiación Autonomica, o pasau 6 de chunio se creyó iste fondo finalista t’os concellos d’o Estau espanyol que haigan de fer frent a o pago de sentencias firmes. Anteriorment, o ministerio d’Hicienda creyó dos fondos similars que no resolveban os problemas financiers d’os concellos, ya que obligaban a prener midas como a puyada d’impuestos y o retalle d’os servicios publicos.

Debant d’ista nueva ferramienta, o Concello de Zaragoza ha decidiu d’acullir-se a iste nuevo Fondo d’Empento Local, por o qual se pagará un 1,3% d’intrés fixo anyal dende chinero de 2016. O plazo d’a operación ye a 10 anyos, con dos de carencia, ye dicir, dica 2015, prencipiando a suya amortización en 2018.

O concello d’a ciudat ye obligau a consignar una cantidat en os Presupuestos de 2016, ta un fondo de continchencia de l’1% d’os gastos no financiers que n’i hai en os Presupuestos actuals y que ye de 6.278.000 euros.

Seguntes ha anunciau l’alcalde, a solicitut d’iste fondo no comprometerá o plan d’achuste economico a o que ye sozmetiu iste concello. En tot caso, caldrá fer frent a un nuevo calculo ta aminorar a deuda, seguntes ha informau l’interventor.

O equipo de Gubierno -ha insistiu Santisteve- ha teniu claro, dende que se conoixió a situación, que “caleba complir con as sentencias dictadas por os chueces y, por tanto, con l’ordenamiento churidico vichent, fer cumplimiento a las obligacions pendients y salvaguardar os servicios publicos municipals esencials”.

A falta de previsión ta complir istas obligacions legals ya s’heba alvertiu por parte d’a intervención d’o Concello en numerosas ocasions. O desachuste entre as disponibilidatz presupuestarias y o gasto a executar s’ha utilizau como vía de financiación d’o concello, a traviés d’as contractas que prestan o servicio.

Fuent: http://arainfo.org/2015/07/el-ayuntamiento-de-zaragoza-hereda-una-deuda-oculta-por-valor-de-90-millones-de-euros/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.