O concello de Zaragoza refusa os dragaus de l’Ebro con o voto en contra d’o PSOE

Os dragaus prencipioron en viyer-se que no podeban navegar por o río os barcos turisticos mercaus t'a Exposición Internacional de 2008

Treballos de dragau en l'Ebro

Treballos de dragau en l’Ebro

O concello de Zaragoza ha refusau iste martes os dragaus que se levan fendo en o río Ebro en a parti urbana dende que prencipioron en 2008, con a enchaquia de que podesen navegar por o río uns barcos turisticos que se mercoron t’a Expo. A iniciativa que se ha votau en o concello ha creyau, antimás, una comisión especial d’investigación sobre l’achuste d’explotación d’un sistema de transporte fluvial por l’Ebro en a ciudat.

A resolución ye estau fruito d’un negocio, a on que a la fin se ha plegau a alcordar que “O pleno d’o Concello de Zaragoza refusa os continos dragaus de l’Ebro en pasar por a ciudat, feitos t’habilitar una canal de navegación, con l’unico obchecto de permitir que i pasasen uns barcos que o suyo calau resultó inadeqüau dende o mesmo diya que estió adchudicau o servicio.” Iste texto ye estau votau por PP, CHA y IU y ha contau con o refús d’o PSOE, partiu gobernant en minoría d’a ciudat, con o refirme cutiano de CHA y IU.

Ista alianza puntual no ha privau que PSOE, CHA y IU sumasen os suyo votos ta vulcar atras resolucions d’o PP a on que demandaban una reprobación de l’alcalde Juan Alberto Belloch y a dimisión d’o conseller de Cultura, Educación y Meyo Ambient, Jerónimo Blasco, totz dos

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.