O concello de Zaragoza retallará quasi todas as partidas d’os presupuestos

En os presupuestos de 2012 a unica que no baixa ye acción social.

Juan Alberto Belloch , en un acto electoral (FOTO: Jorge Bernal)

Juan Alberto Belloch , en un acto electoral (FOTO: Jorge Bernal)

Os presupuestos d’a ciudat de Zaragoza t’o 2012 serán muito marcaus por l’austeridat. Asinas lo ha reconoixiu publicament l’alcalde d’a ciudat de Zaragoza, Juan Alberto Belloch, qui ha anunciau que “todas as partidas baixarán fueras d’a de Acción Social” en charrando d’a elaboración d’as cuentas municipals t’a venient anyada.

Alavez a linia politica que seguirá o Consistorio dará “prioridat de tot” a la Acción Social, una demba que meterá “a muga” a la hora de fer retalladas, ha afirmau  Belloch. Tamién ha feito un clamamiento  a que ” totz faigan un poder” ta reyalizar “restriccions importants en atras dembas” y asinas poder  mantener Acción Social.

Pero antis, a corporación municipal habrá d’aprebar unas ordenanzas fiscal. O equipo de gubierno, de conchunta con Chunta Aragonesista y Izquierda Unida han presentau un modelo que o Partiu Popular le presentará 87 esmiendas.

Por ixo, Belloch ha dito que agora, lo más urchent ye “aprebar as ordenanzas” y ha dito no “fer-se-ne” por que s’apreben tardi os presupuestos municipals ta 2012. “Podemos continar enta debant sin prisas y fer o presupuesto quan se pueda”, ha rematau l’alcalde de Zaragoza.

 

Fuent: http://www.aragon2.com/n-13366-3-Ayuntamiento_recortara_todas_partidas_menos_Accion_Social_2012

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.