O concello de Zaragoza se felicita por a participación en os actos d’a “Liberación de Zaragoza”

Por o pontarrón que traviesaba l'Ebro chunto a lo Puent de Piedra han pasau bellas 30.000 personas

Visitants d'o pontarrón

Visitants d’o pontarrón

O concello de Zaragoza ha calificau de “masiva” a respuesta d’os ciudadans a los actos que han quiesto remerar, dende o pasau viernes, o 200 cabo d’anyo d’a “Liberación de Zaragoza”, quan l’exercito francés deixó la ciudat.

O pontarrón sobre l’Ebro que instaloron dende o viernes dica iste martes, acullió a visita de bellas 30.000 personas que traviesoron l’Ebro y viyoron as instalacions feitas por l’exercito espanyol y as lanchas que i ancloron. Nomás mientres o sabado i pasoron más de 9000 personas.

A resta d’actividatz han contau, seguntes o Concello con una buena aceptación popular. O espectaclo pirotecnico arrocló arredol de 3.000 personas, viyendo a recreación d’a esclatada d’o Puent de Piedra. O concelo tamién calificó d’exito l’espectaclo recreacionista que marchó dende Macanaz dica la carrera Sobrarbe, con una asistencia de 2.000 personas.

O conseller de Cultura d’o Concello de Zaragoza, Jerónimo Blasco, ha sinyalau que “os excelents datos d’asistencia ta istos actos refirman a ideya de que os actos historicos tienen una gran aceptación popular y, alavez, continaremos programando actividatz que remeren episodios historicos d’a ciudat”. Blasco ha remerau que “como legau d’o Bicentenario, as anyadas impars bi habrá una gran recreyación historica d’os Sitios“.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.