O Concello d’Exeya implantará l’administración electronica pa realizar vía internet diferents tramites

O concello exeyano considera que a mida estalbiará tiempo a os ciudadanos y ciudadanas amás de millorar a eficacia de l'administración

O Concello d’Exeya implantará l’administración electronica pa realizar, vía internet, diferents tramites que van dende a modificación de datos personals en o padrón municipal, a solicitut de licencias d’obra menor en un local u vivienda, pasando por a expedición de cartas de pago de tributos municipals, solicitut de prencipio d’actividatz, inscripción a cursos y actividatz municipals, u a expedición d’un certificau d’empadronamiento u residencia.

Alberto Celma, portavoz de CHA, dende do ha saliu ista propuesta, ha explicau que “fer servir iste medio pa realizar tramites, que dica hue s’heban de fer de forma presencial, posibilita una administración ubierta a os ciudadanos as 24 horas a o día, 365 días a l’anyo”.

Atras d’as avantallas ye o estalbio de tiempo que suposa, l’ausencia d’asperas y privar os desplazamientos d’os vecins y vecinas de lugars como Farasdués, Rivas, Pinsoro, O Bayo, Bardenas, A Valarenya, Santa Anastasia, O Sabinar, municipios beluns d’ells que se troban a mas de 30 kilometros d’Exeya.

Celma ha sinyalau, en zaguerías, que “iste sistema suposará una mayor eficacia en o funcionamiento interno d’a propia administración, amás d’atras avantallas como a seguridat, proximidat, transparencia, achilidat y simplificación administrativa”.

Fuent: http://arainfo.org/2013/12/el-ayuntamiento-de-exeya-implantara-la-administracion-electronica-para-realizar-via-internet-diferentes-tramites/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.