O concello zaragozano podría desaloixar 2000 fuesas d’o fosal por impago

Avisan con un apegallo sobre a lapida de que cal bosar a conduta

Mientres istos diyas o concello de Zaragoza ye fendo una campanya t’avisar a la parentalla de más de 2000 muertos de que les cal bosar a conduta por tener-los en o fosal municipal. Lo ye fendo metendo un apegallo en as lapidas, aprofeitando que s’amana o diya de totz os santos, quan más chent s’amana t’o fosal.

Seguntes fuents municipals, ista campanya s’ha prencipiau por un doble motivo. D’una man, o fosal no puet creixer ta cutio a iste ritmo. Una meya de dotze personas i son apedecadas cada diya. Antimás, a crisi tamién ha afectau a lo fosal y les calen diners t’as fainas cutianas suyas.

L’apegallo avisa a la parentalla de que han de pasar por as oficinas ta bosar lo que manque. Bella fuesa mesmo no ha bosau mica diners dende as anyadas 70. O loguero d’o fosal por cinco anyadas tien un pre d’entre 7 y 50 euros pendendo de o puesto a on que siga. Contra más amanau a tierra más caro. Si cal fer servir escalera ta viyer-lo, baixa lo pre. Aquells qui no bosen serán levaus t’a fuesa común d’o fosal

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.