O Condau de Treviño demanda a segregación de Burgos y l’anexión a o País Vasco

L'alcalde diz que a mayoría de servicios les ne proporciona o gubierno vasco

treviñoO municipio de Condau de Treviño, en Castiella y Lión, ha empecipiau a elaborar un expedient de segregación d’a provincia de Burgos, a la quala perteneixe agora, con o proposito d’anexionar-se a o País Vasco, seguntes explicó ahiere l’alcalde, Igancio Portilla. Portilla se reunió con o president d’a Diputación de Burgos, César Rico, a quí dició que o concello de Treviño elaboraría y aprebaría un informe ta ‘esvurciar-se’ de Castiella y Lión en o plazo d’un mes.

Explicó que iste documento se ninviaría a la chunta de Castiella y Lión y a la diputación provincial ta empecipiar a segregación, y pasar d’ista traza d’a provincia de Burgos a la d’Alaba. ‘Demandamos que se cumpla alazetalment o deseu de Treviño, a voluntat d’a mayoría’, dició Portilla, que se queixó d’os problemas que tien o municipio mas que mas en os servicios publicos.

Y destacó que, a diferencia d’o gubierno autonomico de Castiella y Lión, que no les proporciona istos servicios, o gubierno vasco sí que lo fa, mas que mas en l’ambito sanitario y educativo. Como eixemplo, explicó que nomás una cinquena parte d’os alumnos d’escuelas de Treviño van a colechios publicos, porque a ‘demanda real’ d’os estudiants ye d’ir t’o País Vasco, por a vinculación con iste territorio y por a intención d’ir-ie a treballar. O Condau de Treviño ye una ‘isla’ d’a provincia de Burgos aintro d’Alaba, de tal traza que os suyos ciudadanos tienen as relacions economicas y socials preferentment con o País Vasco.

O president d’a Diputación de Burgos, César Rico, remeró que l’estatuto de Castiella y Lión reconoixe a o Condau de Treviño como una zona d’a provincia de Burgos, y que por ixo veye muit dificil que l’expedient de segregación pueda prosperar.

Fuent: http://www.vilaweb.cat/noticia/4077716/20130126/condado-trevino-demana-segregacio-burgos-lannexio-pais-basc.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.