O conflicto por l’entibo de Mularroya plega en o Parlamento Europeu

Puyalón de Cuchas, component de Os Pueblos Deciden, exiche que se cumplan as directivas medioambientals europeas.

Obras en Mularroya (Foto: Jalón Vivo)

Obras en Mularroya (Foto: Jalón Vivo)

O diputau d’o Parlamento Europeu por Os Pueblos Deciden, Josu Juaristi, ha presentau unas preguntas ta que a Comisión Europea conteste si lo gubierno espanyol ha cumpliu a obligación de informar a iste organo d’as suyas zaguers maniobras ta que continasen as obras d’o entibo de Mularroya, En a iniciativa d’o diputau d’a coalición, tamién se demanda a la Comisión que exicha a lo gubierno espanyol que cumpla a Directiva de Habitats.

Dende Puyalón de Cuchas, partiu aragonés que fa parte d’a debantdita coalición, Alejandro García, coordinador de Puyalón Val de Xalón califica de “irresponsable l’actitut de l’estau espanyol, prebando de blincar-se as leis europeas y sentencias de l’Audiencia Nacional y d’o Tribunal Supremo, ta fer iste entibo que nomás en saca trelada as constructoras y grans interpresas agricolas”. Alejandro García recuerda que “os chicots agricultors continan sin saber qual será o pre de l’augua d’iste entibo. Lechago y El Val en son precedents, que no en aprendemos”.

Zésar Corella, Coordinador nacional d’a formación, insiste en que “iste prochecto ha de descartar-se ta cutio“, y anima a atras organizacions d’a izquierda a “deixar de ficar o tozuelo debaixo d’a tierra y fer servir os suyos recursos parlamentarios ta presionar a lo gubierno espanyol y se descarten obras irracionals como Mularroya, Yesa, Bergantes u Biscarrués”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.