O Consello d’a Choventut de Zaragoza organiza a Feria de l’asociacionismo choven

Se ferá en a Plaza d'o Pilar a o canto d'a fuent de Goya.

A Plaza d’o Pilar acullirá iste cabo de semana a VIII Feria de l’asociacionismo choven. O evento ye organizau por o Consello d’a Choventut de Zaragoza (CJZ) y conta con o refirme economico d’o Concello Zaragozano.

En ista edición serán 45 os stands que se i meterán de as asociacions que son en o CJZ. I son organizacions de toda mena; puliticas, ONG’s, de scouts… Mientres o cabo de semana, en horario de 11:00 a 15:00 y de 17:00 a 21:00, cadaguna d’as asociacions ferá conoixer a os visitants a suya faina cutiana  a traviés d’os stands y d’as actividatz que reyalizarán.

O espacio será distribuyiu en “plazas tematicas”: a plaza d’as puliticas de choventut, a plaza d’a igualdat, plaza ta cambiar o mundo, plaza d’a solidaridat y plaza d’a educación no formal. Ista feria ye tamién a rematadera d’a Semana d’a Participación que, tamién organizada por o CJZ, ha iu fendo accions mientres a semana por toda a ciudat.

D’entre as actividatz, o sabado de tardis bi habrá un festival de mosica que, presentau por Juako Malavirgen, contará con as actuacions de Dadá, El Asunto Tornasón, Los Chicos del Voodo, Sinequanum, Tocado y Hundido, Aquellos que Escuchaban a los Perros y Acid Strawberry.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.