O Constitucional espanyol diz que a venta d’obras de Sixena a Catalunya estió legal

A sentencia, que ha trigau 13 anyos, ha teniu quatre votos particlars

Sala capitular de Sixena en o MNAC (Foto: Jaume Meneses)

Sala capitular de Sixena (Foto: Jaume Meneses)

Una sentencia d’o Tribunal Constitucional espanyol ha dau a razón a la Generalitat de Cataluña en a suya disputa con o Gubierno aragonés sobre os biens artisticos d’o Monesterio de Sixena que o Gubierno catalán mercó en os anyos uitanta. O Tribunal ha trigau 13 anyos en dictar sentencia.

O fallo chudicial mete asinas fin a o pleito que o Gubierno encetó en 1997 ta recuperar o tresoro artistico que, encara que primero estió depositau en o Monesterio de Sixena quan estió crompau por o gubierno catalán en 1983 ya yera en tierras catalanas, an que heban marchau os relichiosos de Sixena en 1970.

Istes obchectos estioron depositaus en o Museo Diocesano de Lleida, pero amás, en 1992, la Generalitat mercó atros biens que heban estau previament depositaus en o Museo Nacional d’Arte de Catalunya y en o Centro de Restauración d’a Generalitat.

O fallo chudicial considera que, en exercer a suya competencia sobre biens que se troban en o suyo territorio, con independencia de quál sía l’orichen d’os mesmos, Catalumya viene complindo a sinyalada función de alzar o patrimonio historico y artistico d’Espanya.

O Tribunal refusa asinas as argumentacions d’o Gubierno que pretendeba exercer o suyo dreito de retracto sobre istes biens. En a sentencia han habiu votos particlars que entienden que o conflicto no tien sendito d’estar planteyau sobre una base constitucional.

L’advogau d’o concello de Villanueva de Sixena ha dito que ista sentencia yera asperada y que no afecta a atras sobre atros biens, como los que reclaman os concellos de Berbegal u Peralta d’Alcofea u los biens d’o Museo Diocesano de Lleida.

O gubierno ha dito que a sentencia tien prou contradiccions como ta estudear-la por os servicios churidicos. Dende atros partius aragoneses, CHA ha esplanicau que ista sentencia ye una afrenta ta o pueblo aragonés.

2 Rispuestas a O Constitucional espanyol diz que a venta d’obras de Sixena a Catalunya estió legal

  1. Pingback: O Constitucional espanyol diz que a venta d’obras de Sixena a Catalunya estió legal | Arredol - La Franja

  2. Alavez, qué? A Ilesia espanyola/aragonesa vendión os biens a o gubierno catalán, no?

Responder a Amulena Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.