O costau fosco de Saturno

Impresionant imachen d'o costau fosco de Saturno presa por a sonda Cassini y feita publica por a NASA

 saturno1A NASA publica una impresionant imachen “retroiluminada” de Saturno, amostrando como se veye por o costau oposau a o Sol. A sonda Cassini estió posicionada de propio en a uembra d’a planeta, con a ideya de capturar como se veyen os aniellos retroiluminaus y o costau fosco d’a planeta.

A sonda estió ubicada en a “fase solar alta”, como se denomina a alufrar o Sol dende o centro d’a uembra de l’obchectivo. Seguntes a NASA, ye una posición muit aventallada ta revelar detalls, tanto sobre os aniellos como de l’atmosfera, que no pueden alufrar-se a la luz directa d’o Sol.

A zaguera vegada que Cassini tenió a oportunidat d’estar en ista inusual perspectiva d’a planeta, a la distancia correcta y con prou tiempo ta fer una foto, estió en setiembre de 2006, quan se creyó ista foto, que ye muit espectacular tamién.

A nueva imachen ye compuesta de 60 fotografías presas en l’espectro violeta, visible y amanau a l’infrarroyo.

“De todas as imachens groriosas que hemos recibiu de Saturno, denguna no ye tant sorprendentment inusual como as que se prenen dende a suya uembra”, afirma o chefe de l’equipo d’imachens de Cassini, Carolyn Porco.

Mas información: http://www.nasa.gov/mission_pages/cassini/multimedia/pia14934.html

Fuent: http://noticies.sirius.cat/2012/12/el-costat-fosc-de-saturn.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.