O CPR de Uesca ufre un seminario t’o profesorau sobre a luenga aragonesa

En tres chornadas se compartirán experiencias y recursos ta l'amostranza de l'aragonés

panfletoO CPR (Centro de Profesorau y Recursos) de Uesca ha programau un Seminario t’o profesorau de luenga aragonesa que se desembolicará en tres sesions, prencipiando iste 8 de marzo. As atras dos serán o 12 de abril y o 24 de mayo, todas en o CPR de Uesca.

Entre os obchetivos d’o seminario, bi ye amillorar a docencia d’o profesorau d’aragonés a traviés d’as nuevas tecnolochías, dar a conoixer recursos, materials y propuestas que aduyen a fer más rica a fayena de docencia de l’aragonés u intercambiar informacions y problematicas entre o profesorau. O seminario ye endrezau t’o profesorau d’aragonés tanto en centros publicos como en privaus u asociacions y t’o profesorau en cheneral que siga intresau por a luenga aragonesa.

En a primer sesión, se ferá una presentación d’o programa “Luzía Dueso” y se dabatirá sobre “A integración d’a cultura aragonesa en l’aula”. Tamién bi habrá un taller sobre l’aragonés y as nuevas tecnolochías. En una segunda sesión se charrarán sobre os recursos bibliograficos t’os profesors feitos por as editorials que treballan con l’aragonés, como Xordica, Gara d’edizions y Publicazions d’o Consello d’a Fabla. O seminario rematará con una chornada a on que os participants meterán as experiencias en común y las espardirán en o rete. Ista sesión tamién contará con a presencia de Miguel Ánchel Barcos, traducto y investigador de l’aragonés ansotano.

A inscripción se puet fer dica o 1 de marzo en a pachina web d’o CPR (http://cprhuesca.org) en l’alpartau de inscripción t’os cursos.

Una rispuesta a O CPR de Uesca ufre un seminario t’o profesorau sobre a luenga aragonesa

  1. Pingback: O CPR de Uesca ufre un seminario t’o profesorau sobre a luenga aragonesa | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.