O Departamento d’Educación creya o primer plan integral contra o acoso escolar

O plan para cuenta con as nuevas tecnolochías y formas de relación de l'alumnau

A consellera d’Educación, Mayte Pérez en a presentación.

A consellera d’Educación, Mayte Pérez en a presentación.

A consellera d’Educación, Mayte Pérez, ha presentau o primer plan integral contra o acoso en Aragón, una estratechia que responde a las necesidatz d’una comunidat educativa d’o sieglo XXI, que actualiza a normativa y os protocolos, introduz l’analís d’os retz socials y as nuevas formas de relación de l’alumnau.

O Departamento d’Educación ha quiesto amostrar una preocupación por a convivencia en as aulas aragonesas y ha detectau que a realidat social y educativa ha abanzau más rapido que a normativa dende l’Administración. Por ixo, ha disenyau una estratechia global contra o acoso escolar que se fundamenta en cinco pilars.

O primer d’ells ye o ficacio immediato, integral y contino. En ista linia, o Departamento ha creyau un telefono que ye operativo 24 horas, os 365 diyas de l’anyo y que s’endreza a os menors que vivan una situación de acoso u que sían conoixedors d’ella. Iste ye o primer telefono que se creya en Espanya chestionau dende un Departamento d’Educación y ofreix ficacio personalizau, psicolochico e integral. As gritadas son atendidas dreitament por psicologos infantils. O psicologo ofreix escuita y emparo emocional de traza immediata y valora a situación, bien derivando a servicios d’urchencia (Policía Nacional, Guardia Civil u asistencia sanitaria) en caso de situación de risgo grieu t’o menor, u bien derivando a o Departamento d’Educación, que en coordinación con a Asesoría de Convivencia Escolar, encetará un protocolo d’actuación en l’ambito educativo.

O numer ye o 900 100 456 y ye ya operativo. Amás, ista medida s’acompanyará d’una campanya en os centros y en os retz socials a traviés d’un video, cartelería y o hashtag #movilacoSOS.

A segunda linia d’acción será l’actualización d’os protocolos d’actuación. Seguntes o Departamento os actuals datan de fa un decenio y no responden a toda a realidat que se vive en os centros aragoneses. Os nuevos protocolos prebarán d’estar una simplificación d’os procesos, una información rapida a las familias y un plan individualizau de cada caso, que sitúe as accions que cal fer, quí ha de levar-las a cabo, cómo y qué ambito, en o familiar, en o escolar u en totz dos, y en o suyo caso os grupos implicaus en as actuacions y evaluación d’o mesmo.

En tercer puesto, s’abordará un cambeo normativo. Se meterá nombre a o acoso. En l’actualidat, a normativa no contempla iste concepto especificament y se engloba dentro d’as conductas grieus de convivencia en cheneral (entre as que s’incluyen qüestions no relacionadas con o acoso), o que impide tener datos especificos sobre istas situacions. Como novedat, a normativa introducirá la figura d’o observador. Dica agora, solament se charraba de victima y agresor. O Departamento d’Educación considera clau embrecar-ie a totz aquells que conoixcan que se ye producindo un caso de acoso escolar en o suyo arredol.

En quatreno puesto, se reforzará o treballo d’a asesoría de convivencia, un organismo que pende d’o Departamento d’Educación y ye componiu por tecnicos en orientación educativa, treballo social y asesoría normativa. Ista tendrá nuevas funcions como disenyar plans individualizaus d’intervención.

Ta rematar, ta tener una imachen d’a convivencia en as aulas aragonesas, o Departamento de conchunta con a Facultat d’Educación d’a Universidat de Zaragoza elaborarán o venient curso 2016/17 una analís d’as fortalezas y as feblezas d’o sistema educativo aragonés en materia de convivencia escolar y especialment d’as situacions de acoso escolar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.