O discurso de Javier Lambán ubrirá iste chueves o Debat d’Investidura d’a IX Lechislatura

Las Cortes de Aragón celebrarán desde este jueves 2 de julio, a partir de las 11.00 horas, una sesión plenaria extraordinaria en la que Lambán expondrá su programa de Gobierno con el objetivo de recabar el apoyo mayoritario del arco parlamentario en la continuación del debate, prevista para el viernes.

Foto: Arainfo

Foto: Arainfo

O discurso d’o candidato propuesto por o president d’As Cortz d’Aragón, Antonio Cosculluela, ta menar l’Executivo autonomico ubrirá iste chueves o Debat d’Investidura d’a IX Lechislatura. As Cortz d’Aragón celebrarán dende iste 2 de chulio, a partir d’as 11.00 horas, una sesión plenaria extraordinaria an que, tal y como diz o Reglamento d’a Cambra, o diputau determinau por Cosculluela dimpués d’o rolde de consultas con as siet formacions, o socialista Javier Lambán, buscará l’emparo de l’arco parlamentario ta encapezar o Gubierno.

O lider d’o PSOE ubrirá asinas una sesión que se centrará, de tot, tal y como replega a ordenación d’o debat, a la “lectura d’a Resolución d’o president d’as Cortz d’Aragón an que proposa un candidato a president d’o Gubierno d’Aragón” y, dimpués, se ferá a “exposición d’o programa politico d’o gubierno d’o candidato”, an que no existe garra muga de tiempo. Dimpués d’ista lectura ye previsto que os portavoces d’as diferents formacions politicas valuren o discurso de Lambán debant d’os medios en rematar a sesión.

A suya participación en o debat, con intervencions y respuestas, serán protagonistas o viernes 3, en iste caso dende as 9:00. L’esquema horario disenyau s’ubrirá con as formacions que no tienen intención de votar a favor d’a investidura.

O Grupo Popular será, como mayoritario, o primer en debatir con o candidato d’o PSOE. Dimpués lo ferá o PAR y, a la fin Ciudadanos. En iste momento, será quan prengan a parola, as collas que han iu anunciando publicament a suya posición favorable a la investidura, en concreto, y en iste orden, IU, CHA y Podemos. Zarrará o debat con o candidato a suya propia formación, o PSOE, que participarán os zaguers.

O reparto de tiempos previsto en a ordenación d’o debat fixa en venticinco os minutos de cada colla en a primer intervención. A sola excepción ye en a Colla Mixta, an que CHA y IU, os dos integrants, se repartirán meya hora en ista primer participación. T’a respuesta serán quince minutos.

O Reglamento d’as Cortz adedica o primer capitol d’o suyo Tetulo VIII a la investidura y ye l’articlo 159 an que estableixe que o candidato amostrará o suyo programa “sin muga de tiempo” y, antimás, que “dimpués d’un tiempo d’interrupción de vintiquatre horas”, as collas tendrán vinte minutos t’o debat, una d’as novedatz anunciadas por Cosculluela ta ista edición, entre que o candidato “podrá prener a parola todas as vegadas que lo demande”.

 

Fuent: http://arainfo.org/2015/07/el-discurso-de-javier-lamban-abrira-manana-el-debate-de-investidura-de-la-ix-legislatura/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.