O diya d’a luenga mairal se fa en Aragón con l’aragonés en periglo d’extinción

L'amostranza y o refirme institucional dos d'os problemas de l'aragonés

Cada quince díyas s’amorta una luenga en o mundo. L’aragonés ye en periglo d’extinción seguntes un informe realizau por a UNESCO. Ista luenga d’Aragón ye parlada por bellas 10000 personas. Antiparti, en l’atlas lingüistico amaneixen atras luengas d’Espanya con diferents grados de risque, como lo basco, l’asturiano u l’occitano. Iste organismo cilebrará lo 21 de febrero lo Día d’a Luenga Mairal, que se crida dende l’anyo 2000 ta la promoción d’a diversidat cultural y o multilingüismo. Lo motivo d’ista edición ye a educación en a luenga propia.

Os responsables d’a UNESCO consideran que os estaus deberían veyer-se alentados a refirmar a ensenyanza en a escuela y a ufierta educativa en as correspondients luengas mairals. A UNESCO metió en marcha un atlas d’as luengas más menazadas, que estará actualizau semanalment, y que ya incluye 2474 idiomas, a rechión an que se charra cadagún y o suyo grau de risque. Entre ellas puede trobar-se ya 230 luengas desapareixidas dende 1950. A guerra, la deportación y a estigmatización son belunas d’as causas que menazan a vida d’una luenga, pero tamién i hai motivos menos violentos, como l’ausencia en os meyos de comunicación socials, o desplazamiento por as luengas predominants, a mezcla de luengas en contacto y os fenomens migratorios. Os expiertos coinciden, manimenos, en que un factor muit important ta’l refirme d’una luenga afeblida ye creixer con una actitut positiva con respecto a la propia luenga vernacla. As zagueras luengas romanicas desapareixidas son o mozarabe, en o siglo XV, y o dalmata, en o XIX.

O gubierno no tien previsto hue fer garra acto institucional sobre as luengas que os ciudadans aragoneses charran.

2 Rispuestas a O diya d’a luenga mairal se fa en Aragón con l’aragonés en periglo d’extinción

  1. Faigamos por que no amorte a nuestra luenga, y la millor traza ye fendola servir, contra más millor, charrando y escrebindo, à camatons.

  2. Tiens razon Chorche, ye a sola traza de luitar por a nuestra luenga bi ha que charrar-la y escribir-la à embute. Sin vergonya. A vergoñya ye por l’aragones que no fa cosa por esfender-la.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.