O diyario de l’explorador David Livingstone s’amuestra t’o publico por primer vegada

O diyario se podrá viyer en un museu con a enchaquia d'o 200 cabo d'anyo d'a naixiencia de Livingstone. No se podeba leyer dende fa un sieglo por a degradación d'a tinta

David Livingstone (Imachen: Wikipedia)

David Livingstone (Imachen: Wikipedia)

O diyario d’o misionero y explorador David Livingstone ye, dende iste martes, publico con a enchaquia d’o doscientos cabo d’anyo d’a suya naixiencia. O diyario ye estau imposible de leyer-se mientres o zaguer sieglo y dica 2011 no estió posible leyer o conteniu suyo por causa d’a degradación d’a tinta. Dica alavez se podeba leyer a versión dichital creyada a traviés d’a imachen espectral. Ista será a primer vegada que a edición orichinal se pueda viyer. A pieza s’amuestra en o David Livingstone Center en a localidat escocesa de Blantyre.

O diyario, que se conoix con o nombre de Nyangwe Diray, reconta, entre atras, a experiencia de l’explorador quan viyó a masacre de más de quatrecientos habitadors d’o lugar de Nyangwe (Congo) de man de traficants d’esclavos en 1871. A directora d’o David Livingstone Center, Karen Carruthers, declaró que a masacre que podió viyer Livingstone le deixó de tot horrorizau y as pachinas que lo recontan asinas lo contrimuestran.

Livingstone ye considerau o primer europeu que visitó o Congo, o descubridor d’as cascadas Victoria y un estudioso d’a botanica, zoolochía y cheografía d’Africa. Ye un d’os exploradors más reconoixius y respetaus d’a historia y estió considerau un heroe en a Gran Bretanya victoriana.

 

Fuent: http://www.vilaweb.cat/noticia/4096553/20130319/diari-lexplorador-david-livingstone-exposat-primer-cop.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.