O esportista aragonés Victor Lobo viachará o lunes pa participar en os Chuegos Olimpicos d’Hibierno

L'atleta aragonés participará os diyas 8 y 13 de febrero en prebas de biatlón en os Chuegos Olimpicos d'Hibierno

Foto: Gubierno d'Aragón

Foto: Gubierno d’Aragón

Victor Lobo, biatleta aragonés, será l’unico participant aragonés en os venients Chuegos Olimpicos d’Hibierno que se celebrarán en a localidat de Sochi en Rusia d’o 6 a o 23 de febrero. L’aragonés será parte d’o equipo olimpico espanyol, que cuenta con 20 integrants.

Dolores Serrat, consellera d’Educación, Universidat, Cultura y Esporte d’o Gubierno d’Aragón s’ha reuniu con ell, chunto a o director cheneral d’Esporte, Felix Brocate y o president de Stadium Casablanca, Javier Sierra, club a on perteneixe o zaragozano. A consellera le ha felicitau por a suya participación en os chuegos y le ha deseyau suerte.

O biatlón combina esquí de fondo con tiro de carabina. O biatleta aragonés participará o sabado 8 de febrero en a primera preba en a modalidat sprint (10 km) y o chueves 13 lo ferá en individual de 20 kilometros.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.